Skip to main content

Atassutip Inuusuttai: Naqisimanninniarnermut Naalakkersuisuuvoq

Aqqalu Jerimiassenip (A) Peqqissutsimut Naalakkersuisup Agathe Fontainip imigassamut inatsisissatut siunnersuutaa isornatorsiorpaa. – Taanna piumasaannarminik pisoq, Atassutip Inuusuttaani siulittaasoq oqarpoq.

- Agathe Fontainip takusinnaallualereeraluarlugu suliariniarsarisani qanoq inuiaqatigiinniik tunuliaqutserneqanngilluaasartigisoq tupinnaqaaq suli piniinnarluni ingerlanniinnarmagu.

Atassutip Inuusuttaani siulittaasoq, Aqqalu Jerimiassen taama allappoq, taassuma Peqqissutsimut Naalakkersuisup Agathe Fontainip, siunnersuutaani inuusuttut 18-it inorlugit ukiullit nalunaaquttap qulip kingorna nerinartarfinneeqqusaajunnaarlutillu café-neeqqusaajunnaassaasut imigassamilluunniit sassaallerfiusuni.

Atuaruk: Imigassamut atornerluinermulli inatsisissaq: Aajuku suliniutigineqartut

Inuiaqatigiinnik naqisimannittoq

Aqqalu Jerimiassenip Agathe Fontain 'Naqisimanninniarnermut Naalakkersuisutut' taavaa.

- Ilumut (Agathe Fontain aaqq.) nammineq iluarisaannani malillugu innuttaasut naqisimaniarsaralugit ingerlatsiniarsariniaruni sakkortoorujussuarmik apeqqusernarpoq demokratiip aqqani sulerinersoq? taanna aperivoq.

Atuaruk: Siunnersuut: Imigassanik akikilliisoqartarunnaassaaq

Aqqalu Jerimiassenip meeqqaminik apersortitsinissaminut ernumassuteqalereerpoq.

- Unnukkut imigassartalimmik sassaalliinissaq pissutigiinnarlugu, apersortittoorneq sivikitsuararsuarmik nuannisaarfigissavarput, meerarpummi qulinngortinnagu angerlareersimasariaqarmat.

Piffissaq asuli atornagu

- Naamivik, siunissami maleruaqqusanik eqqumiitsorpassuarnik misissorneqarusunngilagut. Siunnersuut allaanngilaq Nordkoreameersoq!, Aqqalu Jerimiassen kamalluni allappoq.

Imigassamut inatsisissatut siunnersuut Inatsisartuni akuerineqassappat taassuma tupigissavaa.

- Inuttaasut pisariaqartitaat aallavigalugit siunnersuutaanngilaq. Allanik soqutiginarnerusunik Agathe Fontain suliaqarsinnaangaluarpoq, taamaattoq inuiaqatigiinnik killilersuinissaq ukkatigaa. Inuiaqatigiit killilersorniarsariunnaarlugit, Aqqalu Jerimiassen oqarpoq.

Atuaruk: Imigassat akikillineqartarnerinut inerteqquteqarnissaq tapersersuisoqanngitsoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER