Aleqap atornerluinera
Atassutip Inuusuttai: Atassut, Naalakkersuisooqatigiinnit anigitsi
Atassutip Inuusuttaasa parteertik Atassut maanna sakkortunerpaamik piumaffigaat Naalakkersuisoqatigiinnit aneqqullugu – pissutsit taama ittut inuusuttut akuerisinnaajunnaarpaat
- Atassutip Inuusuttai isumaqarpugut Atassutip kattuffia massakkutut Naalakkersuisooqatigiinneq itsillugu Naalakkersuisooqatigiinnermi anissalluni piaarnerpaamik suaaruteqartariaqartoq.
Taama Atassutip Inuusuttaasa siulittaasuat, Masauna Peary, Atassummut Naalakkersuisooqatigiinni ilaasumut ammasumik allagaqarpoq.
Atassutip siulittaasortaavata Aleqa Hammond tapersersorpaa
Atassut: Naalakkersuisooqatigiinnermik isumaqatigiissut nutaaq ilutsinni oqaloqatigiissutigaarput
Masauna Pearyp innersuussutigaa Atassutip siulittaasorisimasaata, Gerhardt Petersenip, siusinnerusukkut oqaatiginikuusaa. Tassalu Naalakkersuisut pissaanermik annaasaqarsinnaasut kukkussuteqaqqikkunik.
- Nassuerutigisariaqarparput kukkoqqissamut maanna akissaqartoqanngimmat. Maannakkut killiffik ilungersunartutut nalilerpara, Gerhardt Petersen Sermitsiaq.AG-mut januaarip arfineq-pingajuani oqarpoq.
- Taama oqariartorsimaneq Atassutip Kattuffianit puiorneqareersimanerluni? Massakkut Atassutip Inuusuttai isumaqarpugut Parti Atassut Siumumut anngaaginnartutut inisseqqittoq. Isumaqarpugullu tamanna Atassutip iluaqutiginagu annaasaqaatigissagaa, Masauna Peary allappoq.
Gerhardt: Kukkoqqinnissamut akissaaruppugut
Aleqa Hammondip pisortat aningaasaataannik atornerluineranut allaaserisat allat uani atuakkit