Skip to main content

Atassutip Inuusuttaasa Demokraatit taperserpaat

Kalaallit Nunaana namminiilivinnissamut piareersimanngilaq, Atassutip inuusuttunut immikkoortortaqarfia oqariartuuteqarpoq

Kalaallit Nunaata tunngaviusumik inatsiseqalernissaa politikkerinit oqallisigineqangaatsiarpoq.

Partii Naleraq, Siumut aamma Inuit Ataqatigiit tunngaviusumik inatsimmik pilersitserusuttut, Demokraatit isumaqataanngillat. Aningaasaqarneq iluarsineqaqqaartariaqartoq partii isumaqarpoq.

Siusippallaartoq
Oqallinnermut Ataasutip Inuusuttai ilanngupput, taakku Demokraatit taperserpaat. Inuiaqatigiit suleqatiserineqarnissaat, tusarniaavigineqarnissaallu tamatumannga orniginarnerutinneqarpoq. 

- Namminersulivinnissaq ullumikkut Inatsisartuni eqqartorneqaqattaarpoq, isumaqarpungali tamanna siusippallaarujussuartoq nunarput namminersulivinnissaa, pingaartumik taamak suliassaqartigaluta iluarsagassaqartigaluta, Atassutip Inuusuttaanni ilaasortaq Bentiaraq Ottosen tusagassiuutinut nalunaarummi allappoq. 

Akisussaaffiit 32-t Kalaallit Nunaannut angerlaanneqannginnerini qulaajaasoqartoqartariaqartoq isumaqarpoq. 

- Nunatsinnut akisusinnaanera ernumanartorujussuuvoq, taamaattumik pingaaruteqarluinnarpoq nunatsinnut akisunngitsumik suliaqartoqarnissaa, Bentiaraq Ottosen tikkuaavoq.

Namminersortunngorsaanerit
Aningaasaqarneq inissisimallualerpat namminiilivinnissamut anguniaqarnissaq aallartinneqartariaqartoq Atassutip inuusuttaannit oqariartuutigineqarpoq. 

- Suliffeqarfissuit namminersortunngorsaavigineqarnissaat aningaasatigulli isertitaqaataasumik inissisimanissaat nunatsinni pingaaruteqarpoq, sakkortuumillu piumasaqaatitaqarnissaq pinngitsoorneqarsinnaannani. Aningaasaqarneq eqqortoq piviusorsiornerusoq takuneqarsinnaalissaaq nunarput namminersortunngorsarutsigu, aatsaat inuiaqatigiinnut malinniutissaaq ullumikkormit tunngaviusut eqqarsaatigalugit, Bentiaraq Ottosen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER