Atassutip aamma Suleqatigiissitsisut Qallunaat Nunaannit ikiorneqarusupput
Isumaginninnik suliat pillugit Kalaallit Nunaat Qallunaat Nunaannik suleqateqartariaqarpoq. Suleqatigeereerpugut, Naalakkersuisut nalunaaruteqarput
Meeqqat pillugit suliat killiffik ilungersunarnera pissutigalugu Kalaallit Nunaat Qallunaat Nunaannut ikioqquneqartariaqarpoq. Piviusulersaarutip ‘Byen hvor børn forsvinder’ aallakaatinneqarnerata kingorna Atassummi Suleqatigiissitsisuneersullu qinigassanngortittut taama isumaqarput.
- Danmarki nukissarpassuaqarpoq nunatsinni amingaatigilluinnaqissaakkatsinnik aamma Danmarkip
suleqatiserigaluarpaatigut. Oqaatigeerpaat uteqattaarlugulu suli, Louis Sigurdsen (Sul) taama oqarpoq.
- Takorloorparput soorlu ukiorpaalunnguit matuma siorna eqqartuussiveqarfitta ikiorneqarneratut
iliortoqarsinnaasoq, suliat immikkoortiterneqarnissaannut, sulisunik piginnaanngorsaanissamut,
katsorsaanermut ikiuunnissamut, ilaqutariit erloqisut nukittorsarnissaannut, kinguaassiutitigut
kanngutsaattuliorfigineqarsimasut pisariaqartitaannik misissuinissamut aamma katsorsarneqarnissaannut
nukiit pisariaqartippagut, taanna tusagassiutinut nalunaarut naapertorlugu oqarpoq.
Nikolaj Rosing Atassummeersoq. Taassuma, Søren Espersenip (DF) isumaginninnermut oqartussaaffiup Qallunaat Nunaannit tiguneqarnissaanik siunnersuutaa, taperserpaa.
- Søren Espersen oqaaseqarpoq isumaginninnikkut oqartussaaffik immikkut aqutarineqartariaqalersoq,
tamannalu unneqqarillunga isumaqarpunga periarfissaasutut. Ukiorparujussuarni nammineerluta
oqartussaaffik tigummiarnikuuarput, suliarlu artorsimarpasipparput. Immikkut ittumik iliuuseqarnermi
kommunemi sulisut ilaserineqartariaqarput, peqataatinneqarlutik. Suleriaatsinullu nutaanut
misilittagaqaleqqullugit ilinniartinneqarlutik, immikkullu ittumik iliuuseqarnerup kingorna suliaq
naammassinissaa tikillugu sulisinneqarlutik, taanna tusagassiutinut nalunaarummi oqarpoq.
Meeqqallu pillugit aammalumi isumaginnittoqarfimmi suliat pillugit Qallunaat Nunaat suleqatigineqareersoq, Peqqissutsimut Isumaginninnermullu Naalakkersuisoq Martha Abelsen (S) erseqqissaavoq. Taanna, naapertorlugu Isumaginninnermut Aqutsisoqarfik ,2017-imi pilersinneqarsimasup, Børne- og Socialministeeriaqarfik aamma Socialstyrelse qanimut suleqatigai. 2017-2020-mi tamatumunnga folketingi katillugu 10 millioner koruuninik immikkoortitsisimavoq.
- Meeqqanut- inuusuttunullu suliassaqarfiup patajaallisaarneqarnissanut suliaqarnitsinni Danmarminit ikorneqarnerput Naalakkersuisunit nuannaarutigeqaarput. Qallunaat Socialstyrelsiannik suleqateqarnermut atatillugu oqaatigissavara sulisutsinnut Kalaallit Nunaannilu sulianut aallartinneqareersunut ataqqinnippalaartumik pullaveqarnerat immikkut nuannaarutigigakku, Martha Abelsen (S) tusagassiutinut nalunaarut naapertorlugu oqarpoq.
- Kalaallit Nunaata nammineerluni suliassaqarfimmik siunissami kivitsinissaanut pisariaqarluinnartumik aaqqissuussinernik pioreersunik ilisimasallu annertusarneqarnerannik ikorfartuineq pullavittut atorpaat. “Nammineq napatissinnaasumik” isumaginninnermi suliassaqarfik kivissagutsigu, taava avataanit ikiorneqarneq imminut ikiornissamut ikiuutaasaaq, aamma suliassat taakkunginnga suliarineqassanngillat.
Martha Abelsenip ilanngullugu oqaatigaa, qallunaat aningaasaateqarfii kattuffiillu Kalaallit Nunaanni isumaginnittoqarfia assigiinngitsutigut suleqataasut.