Skip to main content

Atassut: Brobergi tatiginngilarput

Naalakkersuisooqatigiinnut tapersersortitut partiip Atassutip Múte B. Egedemut kaammatuutigaa, Pele Brobergip Naalakkersuisutut inissisimanera eqqarsaatigeqqullugu.

Atassummi siulittaasoq Aqqalu Jerimiasseni sapaatiummat tusagassiorfinnut nalunaaruteqarluni allappoq,  partiip Pele brobergi Naalakkersuisutut tatigiunnaaraa aamma Pele Brobergip Berlingskemut oqaaseqarsimanera kinguneqartinneqartariaqartoq.

-Mútep Pelep Naalakkersuisuunera eqqarsaatigeqqitariaqarpaa, Aqqalu Jerimiassen oqarpoq, nangillunilu:

-Inuup kinaassusaanik sumiuussusaanillu immikkoortitsiniarneq akuerineqanngisaannarli. Naalakkersuisut Siulittaasuat piaartumik kinguneqartitsisariaqarpoq. Inuit tamatta naleqassuseqarpugut qanorluunniit isikkoqarutta, sumiluunniit inunngorsimagutta. Inunnik isiginnittariaatsip qangarsuarli atorunnaarsimagaluartup ullutsinni immikkoortitsiniarnikkut oqariartuutigineqara assorsuaq tupaallannarpoq. Pingaartumillu Naalakkersuisuminngaaneerneri.

Pele Brobergip Berlingskemut oqaatigisimavaa, kikkut namminersulivinnissap pillugu oqallinnermut peqataasinnaanerat taasisinnaatitaanerallu oqallisigineqartariaqartoq.

- Kinguneqartinneqartariaqartoq

Aqqalu Jerimiassenip erseqqissaassutigaa, tamatta inuttut isummersorsinnaatitaasugut, isumaqarlunili Naalakkersuisuugaanni immikkut akisussaaffeqartoqartartoq, aamma oqaatigaa oqaaseqaatigineqarsimasut kanngunarpallaarujussuartut:

- Nunatta inuisa pisinnaatitaaffii qaffassarniarunigit avammut taamatut nalunaaruteqarneq kingumut alloriarnertut isigineqartariaqarpoq.

- Nunatta avataanut Naalakkersuisut ersarissaasariaqarput taamatut nunatsinni isummersortoqanngitsoq, Pele Brobergillu oqaaserisimasai Nunatsinni isiginnittariaatsimut naapertuutinnginneralugit, Aqqalu Jerimiassen oqarpoq.

Naalakkersuisut Siulittaasuat Múte B. Egede (IA) sapaatiummat ualikkut tusagassiorfinnut nalunaaruteqarnermini, Pele Brobergip oqaaserisimasaanut naqqiuteqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER