kommuninut qinersineq 2017
Atassut Qaasuitsoq Kujallermi aalajangiisssaaq
Atassut sinnerlugu kommunalbestyrelsimi ilaasortanngortoq Naja Petersenip, Ane Hansen (IA) imaluunniit Jess Svane (S) kina borgmesterinngussanersoq aalajangissavaa.
Inuit Ataqatigiit partiiat 44,5 procentinik qinerneqarlutik partiini annerpaanngorput.
Siumut taamaallaat 40,6 procetinik qinersisoqarsimavoq. Taamaakkaluartoq partiit tamarmik arfineq marlunnik kommunalbestyrelsimut ilaasortaatitaqalissapput, Sermitsiaq.AG-iip naatsorsuinerata takutippaa.
Atuaruk: Ane Hansen qinerneqarnerpaavoq
Atassut ataatsimik ilaasortaatitaqalerput, Naja Petersen. Partii Naleraq Demokraatillu isertitaqanngitsuulerunarput.
Ileqquuvoq partii annerusoq siulliunni isumaqatiginninniartarnera.
Tamannali Ane Hansenimut iluaqaataassaaq, Atassumik Siumumilluunniit isumaqatiginninnialeruni.
Atassutilli aalajangiinissaa ilimanaateqarneruvoq.
Ilaasortaatitassat suli pisortatingoortumik nalunaarutigineqanngillat.