Arctic Winter Games
Atassut Nuuk: Sermersuup AWG 2016 kisimiilluni aaqqissuussinnaanngilaa
Kommunit allat Arctic Winter Games 2016-imut akileeqataasariaqartut Atassut Nuuk isumaqarpoq. - Kommunit allat aamma peqataatitaqartussaapput, Atassut Nuuk ilaatigut oqarpoq
Arctic Winter Games Sermersuumut akisuallaartoq Siumut Nuuk oqariartuuteqareerpoq.
Kommuneqarfik Sermersuup aningaasarpassuarnik atuinissaa innuttaasunik sullissinerup ajorseriarneranik kinguneqarnissaa ilaatigut ernumassutigineqarluni.
Tamanna Atassut Nuummit isumaqatigineqarpoq.
- Meeqqaat inuusuttuaqqallu timersornermik ingerlatsinerat tapersersorluinnaraluarlugu, illoqarfiullu Nuup maannakkut aningaasatigut inissisimanera eqqarsaatigalugu apeqquserusupparput, ilumut pissusissamisoornersoq, Arctic Winter Games-ip Nuummi inissisimanissaannaa peqqutigalugu, Sermersooq Kommune, landskars-ip saniatigut, kisimi aningaasaliisinneqarnera eqqortuunersoq, Atassut Nuummi siulittaasup tullia Klaus Frederiksen oqarpoq.
Kommunit allat tapiissuteqartariaqartut
- Tassami peqataasussat eqqarsaatigissagaanni, Nuup illoqarfianiit kisimi peqataasoqartussaanngilaq, nunarpulli tamakkerlugu peqataasoqartussaalluni, taamaattumillu oqartoqarsinnaanani, Nuuk kisimi peqataatinniarneqartoq, aammalu isigaarput eqqortuusariaqaraluartoq, Kommuneqarfiit allat aamma aningaasaliissuteqartuuppata, Klaus Fredriksen oqarpoq.
Atassut Nuummiilli Arctic Winter Gamesip Nuummi ingerlanneqarnissaa akerlerinngilaat.