Atassut Nuuk nutaamik siulittaasortaarpoq
Nikolaj Rosing Atassut Nuummi siulittaasunngorpoq. Partiillu Nuummi immikkoortortaqarfia Suleqatigiissitsisuni ilaasortaasimasumik aamma siulersuisuni ilaasortaqalerpoq.
Atassut Nuuk pingasunngorneq 8. juni 2022 ataatsimeersuarpoq. Ataatsimeersuarnermi Nikolaj Rosing siulittaasunngorpoq, siulersuisullu nutaat aamma qinerneqarlutik.
Atassut Nuummi aningaaserisinngortoq, Jan Joe Seidsen, Suleqatigiissitsisuni aningaaserisutut inissisimanikuuvoq, Suleqatigiissitsisullu aningaasanik aqutsiniarnerat pillugu isornartorsiuisunut ilaanikuulluni.
Atassut Nuuk ukiuni kingullerni aningaasanik isaatitsivallaarsimanngilaq atuivallaarsimananilu. Tamassumunnga peqqutaatinneqarpoq Covid-19-ip tunillaassuunnerani sammisat ikinnerummata.
Anguniakkat annertuut
Atassut Nuummi siulersuisut nutaat politikkikkut arlalinnik anguniagaqarput, kommunimi, inatsisartuni aamma folketingimi.
- Siulersuisunngortut ingerlaannaq inissitsiterput, annertuunillu takorluugaqarlutik Atassut Nuuk sullikkumallugu, siunniuffigineqarporlu Kommunimut qinersisoqaqqilerpat minnerpaamik ataatsimik kommunalbestyrelsimut ilaasortaatitaqalernissaq, najukkami immikkoortortaqarfimmi siulersuisunngortut tusagassiorfinnut nalunaaruteqarlutik allapput.
Siulersuisunngortut aajuku:
- Siulittaasoq: Nikolaj Rosing
- Siulittaasup tullia: Edvard Geisler
- Aningaaserisoq: Jan Joe Seidsen
- Allatsi: Sara-Louise B. Rosing
- Ilaasortaq: Pavia Kristensen
- Ilaasortaq: Aviaq Kleist
- Sinniisoq: Ane Louise Løvstrøm
- Sinniisoq: Henrik Kristoffersen
- Atassut Nuuk sulissuteqarniarportaaq Atassut Nuuk Inatsisartuni Folketingimilu ilaasortaatitaqalernissaq.
Siulersuisut aamma isumaqatigiipput Atassut Nuuk saqquminerulissasoq, isummersorninilu peqataanerulissasoq.
Atassut Nuuk taamaasilluni kommunimut inatsisartunullu ukiut pingasut qaangiuppata qinersinissamut folketingimullu aappaagu qinersinissamut piareersalereerpoq.
- Inuttut kiffaanngissuseq annertusarusupparput, tamat oqartussaaqataanerat annertusarlugu, atugarissaarnerullu annertusarnissaa suliarerusullugu – atugarissaarnertut taasinnaanngorlugu, minnerunngitsumillu liberaliusumik suliffeqarfeqarnikkut inuussutissarsiuteqarnikkullu, Atassut Nuuk allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...