Skip to main content

Atassut Kujalleq: Avataanit ikiuigasuarsinnaasunik noqqaasoqarli

Narsami utoqqaat illuanni Luuvikasimmi najugallit perusuersartarfiliarniaraangata nangiminnillu taarsiiniaraangata ikiorneqarnissaat piffissaqarfigineqarneq ajorpoq. Tamanna iliuuseqarfigineqartariaqartoq kujataani Atassut isumaqarpoq

- Inatsisartut ombudsmandiata nalunaarutaa malillugu inatsisinik unioqqutitsisoqarpoq. 

Atassut Kujallermit Bentiaraq Ottosen tusagassiutinut nalunaarummi allappoq. Narsami utoqqaat illuanni Luuvikaimmi najugallit perususersartarfiliarnissamut nangiminnilluunniit taarsiinissamut tamatigut ikiorneqarneq ajortut paasineqareersoq taama allappoq.

LÆS OGSÅ: Ernummateqarneq: Utoqqaat illuani najugallit siniffimmi quisartut

Iliuuseqarfigineqartariaqartoq Bentiaraq Ottosen isumaqarpoq.

- Utoqqartatta sumiginnarneqarnissaat maleruaqqusanik unioqqutitsineruvoq, tamanna naamassisinnaangikkutsigu Kommune Kujalleq ernumassuteqartariaqanngilaq sulisussaaruttoornissaminut. Suliassaq naamassineqarsinnaavoq avataaniit ikiuigasuartussanik noqqaasuteqarnikkut, oqarpoq.

Sulisut sulinngitsoortarnerat aamma iluarsiivigineqartariaqartoq noqqaassutigaa.

- Kommune Kujallermi innuttaasut akornanni ajornartorsiutaavoq pissusissamik eqquisinnaaneq imaluuniit pissusissamik malinnilluarsinnaaneq. Tamanna ajornartorsiut qaangerneqarsinnaavoq ikioqatigiinnikkut Kommune Kujalleq peqatigalugu. Inatsisinik unioqqutitsiinarneq atorfilittanik aamma Kommunini ilaasortanik isiginngitsuusaaginnarneqarsinnaanngilaq, atorfilittallu iliuuseqartariaqarput ernumassuteqaratik, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER