kommunimut qinersineq

Atassummit qinigassanngortittoq: Ilinniartitsisunut pikkorissartitsinerit amerlanerit

Meeqqat atuarfiini ilinniartitsisut pikkorissarnikkut piginnaasaat qaffassarneqartuarnissaat, Atassut Kommune Kujallermi pingaartippaa.

Meeqqat atuarfiini ilinniartitsisut pitsaanerpaamik atugaqartinneqassapput taamaammat pikkorissarnissamut periarfissagissaartariaqartut, Kommune Kujallermi, Kim Ezekiassen isumaqarpoq.

- Kommune Kujallermi meeqqat atuarfiiniini inaarutaasumik misilitsinnermi angusarissaarnerulissapput.

- Ilinniartitsisunik pitsaasunik peqassagaanni pikkorissarnernik amerlasuunik periarfissinneqartariaqarput.

Kommune Kujallermi kommunalbestyrelsemut qinigassanngortittoq, Kim Ezekiassen (A) oqarpoq.

Højere niveau

- Meeqqat siunissarivagut, siunersorneqassallutillu. Kujataani atuarfeqarfiit allilerneqarnissaat Atassutip sulissutigerusuppaa, Kim Ezekiassen oqarpoq.

Danskisut, tuluttut fysikkimilu ilinniartitsisut pisaqariaqartinneqartut Kommuneqarfiup ilinniartitsisut danskiuneri kalaaliuneriluunniit apeqqutaatinnagit atorfinititsinissaminut ammanerusariaqarpoq.

- Atuartut piginnaasaat qaffassarneqarnissaa anguniartariaqarpoq, taamaasillutik qaffasinnerusumik ilinniagaqalissammata. Ilinniartitsisut ilinniagaqarsimasut illoqarfinni nunaqarfinnilu amerlanerit atorfinitsinneqarnissaat Atassutip Kommune Kujallermi sulissutigerusuppaa, Kim Ezekiassen oqarpoq.

Powered by Labrador CMS