Atassummi siulittaasunngorniuttoqarnianngitsoq

Maanna Atassummi siulittaasuusupq Siverth K. Heilmannip partiimi siulittaasunngorniuttoqarnianngitsoq oqaatigaa. Arfininngorpa partii ileqquusumik ataatsimeersualerpat nammineq siulittaasutut tunuarniarpoq Aqqalu C. Jeremiassenilu siulittaasussatut toqqarlugu

Atassut Nuummi Katuap Inersuaaraani arfininngorpat ataatsimeersualerpat, Atassummi ilaasortat allat siulittaasunngorusullutik sassarusussimanngillat. Aqqalu C. Jerimiassen taamaalliluni silap pissusaata allanngoriartorneranik upperinninnginni pissutigalugu naalakkersuisutut tunuartinneqarsimasoq partiimi siuttunngorniarpasippoq.

Siverth K. Heilmannip ilisimatitsissutigaa, partii ukiut pingasut matuma siorna amigartooruteqarujussuareersoq, partiimi karsi ukiuni kingullerni sinneqartooruteqartinneqalersimasoq.

Partii nikussaaqqippoq

- Suliap ingerlanerani napparsimarulunnikuungaluarlunga partii qaqeqqinniarlugu suliassaq naammassilluarsimavara. Kinguuaariaat Atassutip suliaanik nukiit nutaat atorlugit ingerlatitseqqillutik partiimik siulersuilernissaannut neriuuteqarluarpunga, Atassutip siulittaasua tusagassiorfinnut nalunaaruteqarnermini oqarpoq.

Ileqquusumik ataatsimeersuartoqareerpat partii sapaatiuppat isumasioqatigiissitsiniarpoq, tassani Atassutip siunissami politikkikkut siunnerfii ilaasortat oqaluuserissavaaat.

Powered by Labrador CMS