Skip to main content

Ataatsimut tapiissutit IA-p ikilisarniarpai

Inuit Ataqatigiit tikkuarpaat Danmarkimit ataatsimut tapiissutit ukiumut aalajangersimasumik amerlassusilinnik ikilisarneqarsinnaasut

Naasuitsumik malittarisassaanngilaq Kalaallit Nunaat qallunaat ataatsimut tapiissutaannik isumalluuteqartuassasoq.

Taamatut partiip ukiortaami oqaaseqaataani Inuit Ataqatigiit siulittaasuat Sara Olsvig erseqqissaavoq.

Oqallinneq aallartillugu

Inuit Ataqatigiit ataatsimut tapiissutit amerlassusaat ukioq manna oqaluuseritilerusuppaat - aamma ilimanartoqanngikkaluartoq Kalaallit Nunaat allanit, assersuutigalugu aatsitassarsiornermit, amerlasoorsuarnik isertitaqslersinnaasoq.

– Ukioq manna Inatsisartuni oqaluuseritikkusupparput Danmarkimit ataatsimut tapiissuterpassuit qanoq isilluta ikilisarsinnaagivut, aatsitassanit isertitassat utaqqeqqaanngikkaluarlugit. Assersuutigalugu anguniagarisinnaavarput ataatsimut tapiissutit ukiumut 10 millioner koruuninik ikilineqartassasut, taamaasilluta takussaasumik anguniagaqarneq qulakkiissavarput. Akisussaaffik annertunerusoq tigussavarput, tamatumanilu Inuit Ataqatigiit siuttoorusuppugut, Sara Olsvig ukiortaami oqaaseqaammini erseqqissaavoq.

Inooqatigiinnermut tunngasut

Tamatuma saniatigut partiip 2016-imi kommunini Inatsisartunilu inooqatigiinnermut tunngasut sammitinniarpai.

– Maannami nunatut toqqaassaagut aqqut suna atorniarnerlutigu.  Aqqut annertunerujartuinnartumik assigiinngisitsisoq atuinnassavarput? Imaluunniit allamut sangussaagut isumaqatigiillutalu assigiinngissuteqarneq akiorniarlugu? Inuit Ataqatigiit qularuteqanngillat: Naligiissuunissaq sorsuutigissavarput. Aqqut taanna saneqqutiinnarsinnaanngilarput. Akileraarutinik, ineqarnermik isumaginninnermillu aaqqissuusseqqinnissani Inuit Ataqatigiinnut tamanna tunngaviussaaq, IA-p siulittaasua tikkuaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER