Skip to main content

Ataatsimut kajumissaarut: Puisinut tunngasoq EU-p sumiginnassanngilaa

Politikerit kattuffiillu assigiinngitsut ullumi ministeriuneq Lars Løkke Rasmussen Naalakkersuisullu siulittaasuat Kim Kielsen kajumissaarpaat EU-Kommissionimik tatisiniarneq attatiinnaqqullugu

Ministeriuneq Lars Løkke Rasmussen Naalakkersuisullu siulittaasuat Kim Kielsen ullumi allagarsipput, taakkunatigut soqutigisallit assigiinngitsorpassuit nunani taakkunani marlunni naalakkersuisut kajumissaarlugit EU-Kommissionimik tatisiniarneq attatiinnaqqullugu. Tatisiniarnikkut qulakkeerneqassaaq puisit  amiinik inerteqquteqarunnaarnermik inatsimmi akuersissutigineqarsimasumi EU-p pisussaaffini naammassissagai.

Kinguneqaatit annertuut

– Allakkatigut naalakkersuisut ilisimatinniarpavut qanoq pingaaruteqartigisoq EU-p pisussaaffimminik naammassinninnissaa. EU-mi puisit amiinut inerteqquteqarsimanera aningaasarsiornikkut Kalaallit Nunaannut kinguneqarnerluttorujussuusimavoq, allakkanik suliarinnittut ilaat , Inuit Ataqatigiinneersoq Aaja Chemnitz Larsen tusagassiorfinnut nalunaarutikkut oqarpoq.

Pisussaaffeqarpoq

– Inuit pillugit immikkut akuersissut kingulleq akuersissutigineqarmat tamanna peqatigalugu EU pisussaatinneqarpoq atuisartunut europamiunut paasissutissiissutigissallugu puisit amii Kalaallit Nunaanneersut Europami tuniniarneqarnissaat inerteqqutaanngitsoq. Paasissutissiiniarluni suliniutit arlallit aallartinnissaannut suliassaq EU-Kommissionip kivissinnaassappagu, tamatumunnga pisariaqarpoq pimoorussamik iliuuseqarnissaq, minnerunngitsumillu tamatumunnga atugassaqartitaanissaq. Siusinnerusukkut EU-Kommissionip inuit pillugit immikkut akuersissutinut paasissutissat quppernermut nittartakkamut innersuutigiinnartarsimavai. Isumaqarpugut tamanna naammanngilluinnartoq, ilanngilluinnartoq, folketingimut ilaasortaq isumaqarpoq.

353 millioner koruunit

Kattuffik Inuit Sila naapertorlugu EU-p puisit amiinik eqqussinissamut inerteqquteqarnerata aningaasatigut kinguneqaatigisimavaa avammut tuniniaanikkut 353 millioner koruuninik annaasaqarneq, ukiumi 2013-imiinnaq.

Inuit pillugit immikkut akuersissut oktobarimi akuersissutigineqarmat Europa-Parlamentip Europa Rådillu EU-Kommissioni peqquvaat puisit amiinik, inuiaqatigiinnit inunneersunit niuernerup inerteqqutaannginnerata europami atuisartunut paasisitsiniaanermik suliniutinik aallartitsissasoq.

Tamanna peqatigalugu Europa-Parlamentip Rådillu EU-Kommissioni peqquvvat puisit amiinik eqqusseqqusinnginnerup inuiaqatigiinnut Inunnut aningaasatigut kinguneqaatigisimasaanik nalunaarusioqqullugu.

Assigiinngitsorpassuit

Naalakkersuisunut marlunnut allakkanik atsiortut tassaapput: Nunatsinnit folketingimut ilaasortat marluk Aaja Chemnitz Larsen, IA, aamma Aleqa Hammond, Siumut, qallunaat Europa-Parlamentimi ilaasortaatitaat pingasut, Ulla Tørnæs (V), Christel Schaldemose (S) aammalu Bendt Bendtsen (K) kiisalu Petrus Biilmann, KNAPK, Ole Ørum, Inuit Sila, Gitte Seeberg, WWF aamma Jon Burgwald, Greenpeace Danmark.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER