Ataatsimoortumik tapiissutilerngusaanneq: Immeraassutissaqarpa?
Kalaallit Nunaat avissaarpat tapiissutit sukkasuumik atorunnaarsinneqassappat? ImaluunniitDanmark akiliinissamut pisinnaatinneqartuassava? Naalakkersuisooqatigiit Naleraq IA-luassigiinngitsunik akissuteqarput.
Naalakkersuinermik sulinermi aasakkut eqqissisimasoqarfiup nalaani Pele Broberg, namminiilivinnerup kingorna aningaasaqarneq qanoq issinnaanersoq pillugu
isummersorpoq. Taanna naapertorlugu qallunaat naalagaaffiata karsia akiliisussaavoq. Aviisi AG allappoq.
Københavnimi ima inissisimasoqalersinnaavoq piffissami aalajangersimasumi aningaasanik nassiussiuartarluni, taanna isumaqarpoq.
Pele Brobergi Siumup siulittaasuata Erik Jensenip § 37 naapertorlugu apeqqutaanut akissuteqarluni aaqqiissutissamik siunnersuuteqarpoq, Siumup siulittaasuata Naalakkersuisut nassuiaaqqusimavai, sooq Broberg isumaqarnersoq qallunaat akilersuiinnassasut Kalaallit Nunaat kunngiitsuuffinngoraluartoq.
– Siumup nammiliilivinnissaq anguniartuarpaa, siunissamilu tamanna
salliutinneqassaaq, tamakkiisumik nunarput aqukkusukkatsigu innuttaasut
arlaannaatigulluunniit naqisimanagit. Taamaattumik Nunanut allanut Naalakkersuisup
arlariarluni oqarnera soqutiginartipparput, Kalaallit Nunaata namminiilivinnerata
kingorna naalagaaffik ataatsimoortumik tapiissuteqarnissamut pisussaaffeqassasoq,
Erik Jensen oqarpoq..
Uiggiullugu Pele Broberg tigussaasumik aperaa: Ilumoorpa?
Aap, taamaattoqartoq Pele Brobergip nalilerpaa.
Periuserpassuit
IA sinnerlugu Folketingimut ilaasortap Aaja Chenmnitz Larsenip ukiuni kingullerni Kalaallit Nunaata tunngaviusumik inatsiseqalernissaanut isumalioqatigiissitaq
avissaarniarnerlu pillugit Folketingimi oqallittarnerit qanimut malinnaavisimavai.
Taassuma qularaa, naalagaaffeqatigiit avissaassappata, qallunaat nunatta karsianut akileerusuttuassanersut. Taamaattumik naalagaaffiup atugarissaarfiusup aningaasalersortuarnissaanut nutaanik nassaartoqanngippat tamanna puaatsoornarsinnaassaaq.
Ilanngutassiaq tamaat AG-mi sapaatip akunnerani matumani saqqummersumi atuaruk: