Ataatsimiititap professorip Hawaiimeersup suleqatigineqarnissaa akuerisimavaa
Lois Yamauchi illoqarfiit pingaarnersaanni meeqqanik suli atualinngitsunik 0-niik arfinilinnut ukiulinnik misissuissaaq.
Tarnip pissusaanut atatillugu professori Lois Yamauchi kommunimi ulluunerani paaqqinnittarfinni ilisimatusarnissamut akuersissummik Kommuneqarfik Sermersuumut qinnuteqarsimavoq.
Professori University of Hawaii-mersuuvoq, taassumalu sakku aalajangersimasoq - Tunngaviit - meeqqat pinnguartillugit siunnerfilimmik imaqarluartunillu sammisassaqartitsinermi atorneqartartoq misissorniarpaa.
Misissuineq meeqqerivinni 3-4-ni aqutsisut sulisullu qanimut suleqatigalugit ingerlanneqassaaq.
Kommuni naapertorlugu, Tunngaviit atornerisigut ilisimatusarnikkut paasineqarsimavoq meeqqat mikinerit sulisullu attaveqaqatigiittarnerat pitsanngortinneqartartoq, aammalu Tunngaviit meeqqat oqaatsimikkut ineriartorneranni ikorfartuutaasartut.
Ataatsimiititamit akuerineqarsimasoq
Kommunimi Meeqqanut Atuarfeqarnermullu Ataatsimiititap professorip Nuummukarnissaa akuerisimavaa, kommunillu Hawaiimiit bilitsi akilertussaavaai.
Ilisimatusarneq kommunimut pingaaruteqartussaasoq, kommunimi ingerlatsivimmit oqaatigineqarpoq:
- Suliniutip tapersersornissaanut taamatut aningaasartuuteqarnissaq Kommunimut iluaqutaalluassasoq ingerlatsivimmiit nalilerneqarpoq, tassami aqutsisut sulisullu ilinniarteqqinneqarnissaat ingerlatsiviup anguniagaasa ilagimmassuk. Kommune piginnaasalimmit sulianullu tunngassutilimmik ilisimatusartoqarnissaanut angusaqassaaq, kinguninnguatigut meeqqerivinni atuutilersinneqartussamik, ingerlatsivik ataatsimiititamut allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...