Ataatsimiititap Nuutoqqami pilersaarutit itigartippai - innuttaasut tusaaneqassapput
Sanarfinermut Avatangiisinullu Ataatsimiititap Kommuneqarfik Sermersuumi ingerlatsiviup inassuteqaataa malinniarlugu aalajangersimavaa, Nuutoqqamilu sanaartornissamik siunnersuutit pingasut itigartitsissutigisimallugit.
Sanarfinermut Avatangiisinullu Ataatsimiititami politikkerit Nuutoqqami sanaartornissamik pilersaarutit pingasut qanoq pineqassanersut sisamanngornermi ataatsimiittoqarnerani oqaluuseraat.
Kommuneqarfik Sermersuup aallaqqaammaut siunnersuut ataaseq tusarniaassutigisimavaa, tusarniaanermulli atatillugu pilersaarutit allat marluk kommunimut nassiunneqarsimapput.
Pilersaarutit malillugit unnuisarfeqarlunilu ullaakkorsiortarfilimmik aamma neriniartarfilimmik imaluunniit food-hallimik taaneqartartumik sanaartortoqarniaraluarpoq.
Tusarniaanermili akerliusoqangaatsiarmat ingerlatsivimmit ataatsimiititamut inassutigineqarsimavoq, siunnersuutit pingasut tamarmik itigartitsissutigineqassasut.
Ataatsimiititami siulittaasoq: Innuttaasunik ataatsimiisitsisariaqarpugut
Ataatimiititaliamillu inassuteqaammik malinnittoqassasoq aalajangersimapput, ataatsimiititami siulittaasoq Finn Karlsen (N) Sermitsiaq.AG-mut oqaluttuarpoq:
- Ilaatigut suliniummut akerliusunit 600-nit amerlanerusunit atsiornerit tigusimavagut. Taamaammat aalajangersimavugut Nuutoqqap siunissaa pillugu innuttaasut tusaaneqassasaut aamma sumiiffimmi pineqartumi qanoq iliuuseqarsinnaanerput pillugu, Finn Karlsen oqarpoq.
Siunnersuutit pingasuugaluartut, Nuutoqqami susoqarnissaa eqqarsaatigalugu aallaqqaataaneertoqartariaqartutut isikkoqarpoq.
- Nuutoqaq pillugu inuit qanoq isumaqarnersut paasiniarlugu, innuttaasunik ataatsimiisiteqqaartariaqarpugut, Finn Karlsen innuttaasunik peqataatitsilluni suliassamik nutaarluinnarmik aallartitsisoqarnissaanik ingerlatsiviup inassuteqataanik malinninniartoq oqarpoq.
Innuttaasunik peqataatitsilluni suliassamik nutaarluinnarmik aallartitsissoqassaaq aamma immikkoortumut tamakkiisumik pilersaarusiortoqassaaq 2023-p ingerlanerani tusarniaassutigineqartussamik. Ataatsimiititaq suliamut isummereermat, suliaq maanna kommunip aningaasaqarnermut ataatsimiititaanut ingerlateqqinneqassaaq, naggataatigullu kommunalbestyrelsimit suliarineqassalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...