Ataatsimiititami siulittaasunngortup sunngiffimmi sammisaqarneq ukkatariniarpaa
Michael Rosingip timersortarfiit allaanerit pilersinneqarnissaat sulissutiginiarpaa.
Skateparkit, parcourertarfiit aamma timersortarfiit pissittaartarfillit. Michael Rosingip (Sul) Kommuneqarfik Sermersuumi meeqqanut atuarfinnullu ataatsimiititaliami siulittaasutut nutaatut sulissutiginiagaasa ilagaat.
Ataatsimiititaliami ullup ingerlanerani ataatsimiittoqarnerani siulittaasutut qinerneqassaaq. Tamanna IA-p Suleqatigiissitsisuni Charlotte Ludvigsenip borgmesterinngornissaanut tapersiinermut isumaqatigiissummut ilaavoq.
- Atuarfeqarnermi suliassaqarfik soorunami pingaartorujussuuvoq, taannalu soorunami salliutinniarpara. Kisianni tamatuma saniatigut aamma sunngiffimmi sammisaqarneq immikkut ukkatariniarpara, taanna ataatsimiititaliap ataaniippoq, Michael Rosing (Sul) Sermitsiaq.AG-mut taama oqarpoq.
Siorna isumalioqatigiisitsisoqarnerata timersortarfiit nalinginnaasunit allaanerit eqqarsaatiginissaannut isumassarsitissimagaa, taanna oqaluttuarpoq.
- Amerlanerit timersuutinik allaanerusunik maanna ujartuisarput, timersortarfiillu arsarfiusussatut sanaajupput. Taamaattumik timersorfinnik allanik aamma pilersitsissaagut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...