Ataatsimiititaliaq: Sulisussaaleqineq nassuerutigaarput
Kommuneqarfik Sermersuumi Meeqqanut Atuarfeqarnermullu Ataatsimiititaliami siulittaasup, angajoqqaat ilungersornerat paasisinnaalluarpaa. Ajornartorsiutip aaqqiiviginissaanut oqaloqatigiinnerit aallartipput, siulittaasoq oqarpoq.
Kommuneqarfik Sermersuumi kommunalbestyrelsemit, kommunip meeqqeriveqarfiani sulisussaaleqineq nassuerutigineqarpoq. Meeraaqqeriviit meeqqeriviillu perorsaasunik amigaateqaraangata, tamanna meeqqat ineriartornissaanut kinguneqarsinnaasarpoq, aammalu paaqqinnittarfiit – paarlatsinik – sulisussarsiortuarnissaannik kinguneqartarluni.
- Ajornartorsiut ilisarnarpoq. Angajoqqaat ilungersuuteqarmata paasisinnaavarput, ajornartorsiummi sivitsortumik taamaassimavoq, Henrik Rachlev (IA), Kommuneqarfik Sermersuumi Meeqqanut Atuarfeqarnermullu Ataatsimiititaliami siulittaasoq oqarpoq.
Tamarmik tusarneqassapput
Paaqqinnittarfinni sulisussaaleqinerup qaangerneqarnissaa anguniarlugu aqutsisoqarfik angajoqqaanik ataatsimeeqateqartaartoq, taanna ilisimatitsivoq. Taakku saniatigut perorsaasut kattuffiata Nuummi immikkoortortaqarfiata Nuummi angajoqqaat ataatsimeeqatigissavai.
- Kommunep perorsaasut Nuummi kattuffia attavigissavaa, tassani qanoq aaqqiisoqarnissaanut pitsanngorsaatissanik tusarniaasoqassalluni. Aaqqiisoqartinnagu pineqartut tamarmik tusarneqaqqaartariaqarput, Henrik Rachlev naqissusiivoq.
Sulisussaaleqisarneq pillugu angajoqqaat kommunimut sapaatip akunnerani matumani naammagittaalliuuteqarput. Angajoqqaat ilaat, Trine Chemnitz, politikerit kommunelu qanoq iliuuseqarnialersaarmata nuannaarpoq. Oqaasiinnaalli naammanngitsut, taassuma erseqqissarpaa.
- Pitsaasuuvoq, aamma taamaattussaavoq. Kisianni akissaatit pillugit taakkorpiaat aalajangiisuusinnaannginnamik, suli amerlanerit suleqataasariaqarput aaqqiiniarlutik, Nuummi meeraaqqerivimmi angajoqqaat sinnerlugit, Trine Chemnitz oqarpoq.
Kingusinnerusukkut nutaartaqarumaarpoq
Kommunemi Meeqqanut Atuarfeqarnermullu Ataatsimiititaliamit erseqqissaatigineqarpoq Perorsaasut Kattuffiannut, NPK-mut oqaloqatiginninnerit aallartinneqarumaartut. Taanna neriorsuivoq suliami ingerlariaqqittoqarpat nalunaarumaarluni.
- Akissarsiat appasinnerat ajornartorsiutaajuaannarpoq. Taamaammat NPK attavigineqassaaq, tassani perorsaasut amerlanerit meeqqerivinni sulilersinniarlugit qanoq iliortoqarnissaanik siunnersuutaat tusarumallugit.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...