Skip to main content

Ataatsimiititaliaq suliamut attuumassuteqarpallaarneq pillugu: Pissutsit isornartorsiugassaqqissut uparuarneqassapput

Kukkunersiuinermut Ataatsimiititaliap kammeradvokatip allakkiaa, nipisattassiissutinik qaffaaneq pillugu suliami attuumassuteqarpallaarsimanermut Kim Kielsenimik pinngitsuutitsisoq oqaluuserisimavaa.

Kukkunersiuinermut Ataatsimiititaliaq ”nipisattassiissutit qaffanneqarneranni
suliaq pillugu killiffik” pillugu suliarisamini ilisimatitsivoq, suliaq suliallu ingerlanera pillugit nassuiaammik suliaqartoqassasoq aalajangiunneqarsimasoq.

- Nassuiaat naammassineqariaruni Inatsisartuni ilaasortanut nassiunneqarumaarpoq, Ataatsimiititaliami siulittaasoq Siumumeersoq Erik Jensen ilisimatitsivoq.

Ataatsimiitialiap sumik suliassaqarnerluni erseqqissaatigaa, imatullu nassuiarlugu:

Eqqartuussissanngitsoq

- Tassunga atatillugu suliamut aalajangersimasumut tunngatillugu pissutsit piviusut aallaavigalugit qaammarsaanissaq ataatsimiititaliap suliassarigaa erseqqissaatigissallugu ataatsimiititaliamit kissaatigineqarpoq. Ataatsimiititaliaq suliamik misissuinermini pissutsinik
isornartorsiugassaqqissunik nassaassagaluaruni taava pissutsit taamaattut uparuarneqassapput.
Taamaalilluni ataatsimiititaliaq suliami inerniliinanilu eqqartuussisutut inissinneq ajorpoq.
Kukkunersiuinermut Ataatsimiititaliaq suliamik misissuinerminut atatillugu isornartorsiuilluni oqaaseqarpat, qanoq pissutsit isornartuusinnaasut Kukkunersiuinermut Ataatsimiititaliamit uparuarneqartut Naalakkersuisunut ilaasortanut akisussaasunut naalakkersuinikkut kinguneqartinneqassanersut Inatsisartunit kingorna aalajangerneqartussaavoq, siulittaasoq allappoq, nangillunilu:

- Naalakkersuinikkut akulerunnani taamaallaat suliamut tunngatillugu inatsisartoqarnikkut
sullissinissaq Kukkunersiuinermut Ataatsimiititaliamit siunertaajuarpoq, tassa inuttut
naalakkersuinikkullu pissutsit apeqqutaatinnagit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER