Skip to main content

Ataatsimiititaliaq Kangerlussuarmut tunngatillugu paasissutissinneqaqqusoq

Nunanut Allanut Sillimaniarnermullu Ataatsimiititaliap Knagerlussuaq pillugu nalunaarutit matoqqasumik isumasioqatigiissutiginiarlugit Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq Ane Lone Bagger aggersarpaaa

Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq Ane Lone Bagger (S) Kangerlussuup siunissami qanoq isikkoqarnissaa pillugu nassuiaaqquneqarpoq – minnerunngitsumillu pineqartoq pillugu Naalakkeruisut nalunaarutigisartagaannik nassuiaaqquneqarluni.

Taamaammat Inatsisartut Nunanut Allanut Isumannaallisaanermullu Ataatsimiititaliap isumasioqatigiinnissamut qaaqqusimavaa.

- Siunissami Kangerlussuarmi mittarfeqarfiup mittarfiullu atorneqarnissaasa nalornissutitaqarnerisa ersarissarneqarnissaat, ataatsimiititaliap pingaartippaa. Pissutsit ersarissarneqarnissaannut qulakkeerinninnissaq annertuumik pisariaqartinneqarpoq. Kiisalu Inatsisartut ataatsimiititaliaa tassunga attuumassutillip ilaatinneqarnissaa pingaaruteqarpoq, taamaasiornikut inuit ilaatinneqarnissaat tunngaviulluarnissaallu qulakkeerneqassammat, ataatsimiititaliami siulittaasoq Aleqa Hammond tusagassiorfinnut nalunaaruteqarnermini allappoq.

Naalalakkersuisut naalagaaffik peqatigalugu, Kangerlussuup ammatiinnarneqarnissaanut atatillugu aningaasartuutissat eqqortumik agguaanneqarnissaat pillugu maannakkorpiaq qulaajaapput. Suliaq tamanna ukiumik ataatsimimik sivisussuseqassangatinneqarpoq.

- Kangerlussuup siunissaa pineqartillugu maannalu isumaqatigiinniarnerit ingerlasut pillugit ataatsimiititaliap pissutsit annertuumik ataqqivai, taamaammallu siunersiuineq Naalakkersuisut maannamut nalunaarutigisimasaanut sammisorujussuuvoq. Siunersiuineq Kangerlussuup mittarfiata atorneqarnissaanut aammalu naalakkersuinikkut avammut nalunaaruteqarnernut tunngavoq, ataatsimiititaliamit nalunaarut taamatut nipeqarpoq.

Pineqartut uku ataatsimiititaliamit paasisaqarfigineqarusupput:

Piffissami kingullermi Kangerlussuaq pillugu Naalakkersuisut nalunaarutigisimasaat.

Illersornissaqarfiup siunissami Kangerlussuarmiinnissaa.

Kangerlussuup Mittarfeqarfiata aamma mittarfiata siunissaa.

Innuttaasulli matoqqasumik isumasioqatigiinnissaq pineqarmat Ane Lone Baggerip akissutaanik tusartinneqassanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER