Skip to main content

Ataatsimiititaliap tunngaviusumik inatsimmut isumalioqatigiissitaq malinnaaffigissavaa

Tunngaviusumik inatsiseqalernissamik siunnersuusiortussamik isumalioqatigiissitamik pilersitsinissaq Inatsisartut suliaripallaereeraallu, suliap ammasuunissaa ataatsimiititaliamit maanna qulakkeerneqassaaq

Naalakkersuisut tunngaviusumik inatsiseqalernissamik siunnersuusiortussanimik isumalioqatigiissitamik pilersitsinissamut piginnaalersinniarlugit siunnersuut Inatsisartuni amerlanerussuteqarluartut siumut taperseereernikuupput. Tassalu 22-t akuersipput marluinnaallu Demokraatinut ilaasortat itigartitsipput.

Atuaruk: Tunngaviusumik inatsisissamik tuaviuussineq ataatsimiititaliap isornartorsioraa

Suliassap nassuiarnera amigaataasoq
Inatsisartulli Naalakkersuisunut piginnaaffimmik tunniussinissaminnut piareersimanngillat, taamaattumillu ataatsimiititaliamik isumalioqatigiissitamut malinnaasussamik pilersitsisoqassaaq.

Tassami aalajangiineq taamaatsillugu, isumalioqatigiissitaq qanoq katiterneqassanersoq imaluunniit sunarpiaq suliarissaneraa erseqqissarneqarsimanngilaq. Tassami suliassap nassuiaataanik suli aalajangiisoqanngilaq.

Atuaruk: Inatsimmut tunngaviusussamut amerlanerussuteqartut

Ataatsimiititaliaq
Arfininngornermi siullermeerinnittoqarneranili ingammik Inuit Ataqatigiit ataatsimiititaliamik taamaattumik pilersitsisoqarnissaanik ilungersuussipput. Partiip oqaaseqartartua Kelly Berthelsen ataatsimiititaliamik pilersitsisoqarnissaanut tapersersuisoqarnersoq apeqquteqaqattaarpoq.

Ataatsimiititaliaq Inatsisartuni Inatsisinut Ataatsimiititaliameersunit kiisalu Atassummit, Partii Naleqqamit sinniisumik innuttalerneqassaaq aamma Per Rosing-Petersen ataatsimiititaliamiinngitsoq ilannguneqassaaq. Ataatsimiititaliamulli ilaasortat kisimik taasisinnaatitaassapput.

Atuaruk: - Ulloq pingaarutilik

Ammasuunissaq neriorsuutaasoq
Aaqqissuussaanerup ilaatigut Naalakkersuisut suliap ingerlateqqinnissaanut neriorsuutigisaannut ammanerunissaq qulakkiissavaa.

- Innuttaasut tamaasa sulieqatigiilluarnissamik kissaappakka, nunami siuttuutillunga innuttaasut qulaatiinnarlugit aalajangiisoqartassanngitsoq nammineq naqissuserusuppara, innuttaasut piffissanngorpat, peqqissaarluni piareersaanerit kingorna taasititsisoqarneratigut pingaarnertut aalajangiisuussapput, Naalakkersuisut siulittaasuat Kim Kielsen oqarpoq.

Atuaruk: Tunngaviusumik inatsisiliornissamut ataatsimiititaliaq Inatsisartunit suliaripallanneqartoq

Inatsisartut aalajangiinissaat Demokraatit piumasaaraat
Tamakkuli ataatsimiititaliamut matoqqasumik ataatsimiittunut tunniunneqassanngitsut, Demokraatit isumaqarput.

- Ataatsimiititaliami amerlanerussuteqartut oqartussaaqataanerup aqqani suliamik ingerlatsinissaq imminiissallugu toqqarpaat, imaaliinnarlutillu maannakkut Naalakkersuisuusut suliassanik taakkuninnga marlunnik isumaginninnissaannut piginnaatitaaffiliillutik, tamanna ataatsimiititaliamik sulinasuartussamik isiginnaartutut suliap ingerlanneqarneranik malinnaatitsiinnarluni, partiip oqaaseqartartua Michael Rosing, ippassaq aappassaaneerinninnermi oqarpoq.

Atuaruk: Namminersulernissamut aqqutissat arlallit

Ataatsimiititaliaq ilisimatinneqartassasoq
Ataatsimiititaliap sunniuteqarfissaa killeqarpasippoq. Siunnersuummi akuerineqartumi imaappoq:

- Isumalioqatigiissitap suliassaata nassuiarnera pillugu, katitigaanera aamma pilersinneqarnera isumalioqatigiissitamilu sulineq pillugu ataatsimiititaliaq Naalakkersuisunit ilisimatinneqartassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER