Skip to main content

Ataatsimiititaliap oqartussaaffinnik angerlaasseqqusinini tunuartikkaa

Aalisarnermut Ataatsimiititaliaq inuussutissarsiortut atugaannik ajoquseerusunngilaq, taamaammallu uumasunut nakorsaqarnrmut inuussutissalerinermullut oqartussaaffimik angerlaasseqqusinini isornartorsiorneqartoq tunuartillugu.

Sulisitsisut Kalaallit Nunaata aningaasaqarneranik aalisakkanillu avammut niiverneranik ”immeraassinertut” taavaa, pineqartumi Aalisarnermut, Piniarnermut Nunalerinermullu Ataatsimiititaliap isumaqatigiittup aalajangiiffigisassatut siunnersuuteqarnermut atatillugu isumaliutissiissutimini tamanna piumasarigaluarpaa.

Ikinngutinnersoq

Aalisarnermut, Piniarnermut Nunalerinermullu Ataatsimiititaliami siulittaasoq Henrik Fleischer,  ataatsimiititaliaq tamaat sinnerlugu ikinngutinnernerusumik nalunaaruteqarpoq, tassani oqaatigaa angerlaassinissaq aappaagu aalajangiiffigineqartariaqanngitsoq.

- Ataatsimiititaliamit erseqqissaatigineqassaaq inuussutissarsiutinik ingerlataqartunut atugassarititat ajorseriaateqartinnissaat siunertarinnginnatsigu, taamaattumillu suliaq peqqissaartumik ingerlateqqissavarput. Taamaattumik Naalakkersuisumik ataatsimeeqateqarnitsinni siusinnerusukkut taaneqartumi naaperiaassutissatut siunnersuutinik arlalinnik saqqummiussaqarpugut. Ilaatigut suliassaqarfiup tiguneqarnissaani ukiup piffissaliunneqartup allanngortinnissaa allaalluunniimmi peerneqavinnissaa siunnersuutigaarput, Henrik Fleischer tusagassiorfinnut nalunaaruteqarnermini ilisimatitsivoq.

Ammaanersiorluni oqalugiaat

Henrik Fleischer itisiliivoq:

- Ataatsimiititaliap immikkoortumik suliarinninnermini Naalakkersuisut Siulittaasuata ammaanersiorluni oqalugiaataa aallaavigaa, tassani Naalakkersuisut sinnerlugit naqissusermagu inuussutissalerinermut uumasunullu nakorsaqarnermut suliassaqarfiup tiguneqarnissaa aallartinneqassasoq. Taamaattumillu ataatsimiititaliap siunertarisaralugulu anguniagaraa siunnersuutip taaneqartup suliassaqarfimmik maanna Kalaallit Nunaata tigusinissaanik Naalakkersuisut Siulittaasuata oqaaserisaanut naapertuuttunngortinnissaa.

Aappassaaneerlugu suliarineqarnissaa novembarip arfernani oqaluuserisassanut ilanngunneqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER