Ataatsimiititalianut arlalinnut ilaasortat nutaat
Oqaasiliortut saniatigut Kalaallit Nunaanni Anti Doping aamma Aalborgimi Kalaallit Illuutaannut ilaasortanik nutaanik Naalakkersuisunit ilaneqarput.
Kalaallit Nunaanni Oqaasiliortut nutaamik ilaasortaqalerput. Niels Henrik Lynge, Nunatta Atuagaateqarfianit innersuunneqareerluni ilaasortanngorpoq. Naalakkersuisut decembarip arfernani ataatsimiinnerminni oqaasiliortuni ukiuni 2018-imiit 2022 ilanngullugu ilaasortaasinnaanera akueraat.
Ataatsimiinnermi tassani Kalaallit Nunaanni Anti Dopingimi aqutsisunut aamma Doping pillugu ataatsimiititaliami ilaasortassanik ukiuni 2018-imiit 2022-p tungaanut issiasussanik taasisoqarpoq. Uku pineqarput:
Kalaallit Nunaanni Anti Dopingimi aqutsisut:
- Hans Lars Olsen aamma Karen Marie Kyed Frederiksen, Kalaallit Nunaanni Timersoqatigiiffiit Kattuffiannit innersuunneqartut.
- Martin Møller aamma Uiloq Slettemark, Elite Sport Greenlandimiit innersuunneqartut.
- Jesper Olesen, Nunatta Nakorsaaneqarfimmit innersuunneqartoq.
Kalaallit Nunaanni Doping pillugu ataatsimiititaliamut:
- Charlotte Pedersen, Nunatta Eqqartuussisuuneqarfianit innersuunneqartoq.
- Gitte Hansen Drachmann, Nunatta Nakorsaaneqarfianit innersuunneqartoq.
- Miki Lynge, Kalaallit Nunaanni Timersoqatigiiffiit Kattuffiannit Elite Sport Greenlandimiillu innersuunneqartoq.
Royal Greenlandimi qullersaqarfimmi atorfeqarsimasoq, immikkoortortaqarfimmi pisortaasimasoq sulianullu ataqatigiissaarisuusimasoq, Marianne Bislev, Aalborgimi Kalaallit Illutaanni siulersuisuni ilaasortanngorpoq.