Skip to main content

Ataatsimiititaliamit piartortut angerlarsimaffissaat itigartinneqartoq

Qitiusumit siunnersuisarfiup nunami maani piartortut pitsaanerusumik isumagineqartarnissaat isumagissavaa. Inatsisartut Ilaqutariinnermut Peqqissutsimullu Ataatsimiititaliaat piartortut angerlarsimaffissaat pillugu siunnersuummik itigartitsisut isumaqarput.

Ataatsimiititaliap 4,5 millioner koruunit immikkoortikkusuppai, nunami maani piartortut isumagineqartarnerisa aaqqissuussasumik ingerlanneqartarnissaannut Dronning Ingridip Napparsimmavissuani nuna tamakkerlugu siunnersuisartussat pilersinneqarnissaannut.

Ilaqutariinnermut Peqqissutsimullu Ataatsimiititaliap, Jens Napaattuup Partii Naleqqameersup Naminersorlutik Oqartussat piartortut angerlarsimaffissaannik sanallutillu ingerlatsinissaannik siunnersuutaanik suliaqareerlutik taamatut nalunaarput.

Jens Napaattooq nammineerluni naatsorsuisimavoq, piartortut angerlarsimaffiannik sanaartorneq 70 millioner koruuninik akeqassasoq, angerlarsimaffiullu ingerlanneqarnera ukiumut 16 millioner koruuninik akeqartassasoq.

Ataatsimiititaliarli isumaqarpoq, tamanna siunertamut naapertuutinngitsoq. Ataatsimiititaliaq tassunga taarsiullugu isumaqarpoq, peqqinnissaqarfiup ullumikkut inataanni atuutereersuni, nunami tamarmi piartortut assigiinnerusumik isumagineqartarnissaat neqeroorutigineqarsinnaasoq.

Peqqinnissaqarfimmi tatineqaqqareersumi tamanna artukkeeqataasinnaagaluartoq:

Savalimmiunit isumassarsitinneqarsimaneq

- Ataatsimiititaliamit akuersaarneqarlunilu paasineqarsinnaavoq, aningaasaqarnikkut, sulisoqarnikkut, nunap isorartuneratigut attaveqaatitigullu unammillernartoqarsinnaanera, ataqatigiissumik pisariaqartitallu naapertorlugit suliniuteqarnissamut ajornartitsisinnaasunik, soorlu Naalakkersuisunit tamanna aamma oqaatigineqarsimasoq. Ataatsimiititaliarli isumaqarpoq, siunertamut naapertuuttumik Kalaallit Nunaanni tamarmi atorneqarsinnaasumik aaqqissutissarsiupallattoqartariaqartoq, napparsimasunut, ilaqutaasunut sulisunullu tamanut iluaqutaasussamik, ataatsimiititaliaq siunnersuummik suliaqarnermini allappoq.

Taamammat ataatsimiititaliaq Savalimmiunit isumassarsisinneqarsimavoq, Savalimmiuni 2005-imili nipaallisaanissamik sulisoqarsimavoq. Sulisut taakku piartortut isumagineqartarnerannik ineriartortitsisimapput:

- Ataatsimiititaliami periuseq taanna malinniarneqarpoq, siullertut sulisussat sulinermi ineriartortitassatut pisariaqartinneqartunik isumaginnittussat pissarsiarineqartariaqarput, tamatumalu kingorna nunami tamarmi najukkani sulisut suleqateqatigalugit neqeroorutinik piviusunngortitsissallutik, ataatsimiititaliaq allappoq.

Siunnersuut upernaaru ataatsimiinnermi suliarineqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER