Skip to main content

Ataatsimiititaliami siulittaasoq: Isumaqatigiissuteqartoqannginnera assuarnarpoq

Inatsisartut Sanaartornermut Ataatsimiititaliaanni siulittaasup, ilaasunik angallassisarnermi Naalakkersuisut kiffartuussinissamut suli isumaqatigiissusiorsimannginnerat assuarnartoqartippaa.

Ilaasunik angallassisarnermi kiffartuussinissamut isumaqatigiissutit ukiortaami atorunnaassapput, tamatumalu kingorna kiffartuussinissamut isumaqatigiissuteqarfiusuni angallannermi pissutsit qanoq issanersut nalunarlutik.

Naalakkersuisummi isumaqatigiissutinik nutaanik suli saqqummiussinngillat, tamannalu Inatsisartut Sanaartornermut Ataatsimiititaliaanni siulittaasup Justus Hansenip (D) uggorilluinnarpaa:

- Kiffartuussinissamut isumaqatigiissuteqarfiusumi aamma uanga najugaqarpunga. Isumaqatigiissutit qanoq ittuussanersut taamak qularnartigitillugit tamanna nuannerpallaanngilaq, Justus Hansen Tasiilami najugaqartoq oqarpoq.

Sanaartornermut Ataatsimiititaliaq tassaavoq Aningaasaqarnermut Akileraartarnermullu Ataatsimiititaliaq peqatigalugu kiffartuussinissamut isumaqatigiissusiornermut malinnaasussaq.

Ilisimatitsissuteqartoqarsimanngitsoq

Ataatsimiititaliamili siulittaasup suli oqaatigisinnaannginnerarpaa, ukiortaareerpat kiffartuussinissamut isumaqatigiissuteqarfiusuni angallassinissat qanoq ingerlanneqassanersut:

- Aggustip qaammataani ilisimatinneqartussaagaluarpugut, tamannali suli pisimanngilaq. Ataatsimiititaliamit malugniarparput, suliamut tunngatillugu suli arlaannik takusaqarsimannginnerput.

- Tamanna ajorluinnarpoq, Justus Hansen oqarpoq.

Qasigiannguani takornariartitsisartup Sermitsiaq.AG-mut oqaluttuarinikuuaa, kiffartuussinissamut isumaqatigiissuteqartoqarsimannginnera suliffeqarfiutaanut ajoqusiissasoq, takornariartitassanimi oqaluuttuussinnaanngilai, ukiortaareerpat qanoq ilillutik illoqarfimmukarsinnaanersutr.

Taamatut isornartorsiuinera Justus Hansenip paasilluarsinnaanerarpaa:

Kingullermik aamma taamatut pisoqartoq

- Nalunngilarpummi takornariartitsisartut neqeroorutissaminnik allanillu suliaqartussaasut, taakkulu tigussaasumik tuniniagassaqanngikkunik ajornartorsiulertussaapput. Inuit sulinngiffeqarnissartik eqqarsaatigilereerpaat, nunamullu maanga angalanissaq akikittuunngereerpoq, Justus Hansen pisimasunit ilikkagaqartoqarsimannginneranik ugguartoq oqarpoq:

- Ukioq naalluinnalersoq isumaqatiginninniarnerit naammassineqartarnerat tamatigut pisarpoq, Justus Hansen oqarpoq.

Kiffartuussinissamut maanna isumaqatigiissutaasut 2016-imi septembarip qaammataani saqqummiunneqarmata innuttaasunit, kommuninit politikkerinillu arlalinnit isornartorsiuisoqangaatsiarpoq. Politkkerit sakkortuumik tatineqareerlutik isumaqatigiissutaareersunik pitsanngorsaanissamut millioninik immikkoortitsisimapput.

Sermitsiaq.AG-p attaveqaatinut naalakkersuisoq Karl Frederik Danielsen suliaq pillugu apersorniarlugu pissarsiariniarsimagaluarpaa, tamannali suli iluatsinneqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER