Ataatsimiitialiaq: Kielsen pillugu nalunaarusiaq naammassineqangajalerpoq
Kukkunersiuinermut Ataatsimiititaliap naatsorsuutigaa, nalunaarusiaq piffissami qaninnerpaami naammassineqassasoq, ataatsimiititaliaq isornartorsiuisoqareersoq nalunaaruteqarpoq. Nalunaarusiami ataatsimiititaliap nalilissava, Kim Kielsen nipisattassiisutinik qaffaasoqarmat suliamut attuumassuteqarpallaarsimanersoq.
Ataatsimiititaliaq Inuit Ataqatigiit politikkikkut oqaaseqartartuanit Aqqaluaq B. Egedemit sapaatip akunnerani matumani isornartorsiorneqarpoq.
Taanna isumaqarpoq, Siumup ataatsimiititaliami siulittaasuutitaqarnini atorlugu aamma partiit naalakkersuisuutitaqartut - Nunatta Qitornai Demokraatillu - peqatigalugit suliaq kinguarsaraat.
Taamatulli isornartorsiuineq tunngavissaqanngitsoq, ataatsimiititaliaq tusagassiorfinnut nalunaaruteqarnermi oqarpoq.
- Ilanngullugulu ataatsimiititaliami ilaasortani amerlanerussuteqartut nalunaarusiap
suliarineqarneranut kinguarsaasutut sunniiniartutullu pasillerneqarneranik
saqqummersitsiniaasoqarluni. Tamannalu eqqortuunngilaq, nalunaarummi allassimavoq.
Ataatsimiititaliaq ataatsimoortoq
Nalunaarut siulittaasumit Siumumeersumi Erik Jensenimit aamma IA-meersumit Aqqa Samuelsenimit atsiorneqarsimavoq. Taamaalillu IA-mi assigiinngitsunik isumaqartoqarpasippoq.
Nalunaarummi ilanngullugu erseqqissaatigineqarpoq, Kukkunersiuinermi Ataatsimiititaliaq ataatsimoorluni nalunaarusiamik suliaqartoq:
- Kukkunersiuinermut Ataatsimiititaliaq ataatsimoortoq nalunaarusiap suliallu
pingaartinneqarluinnartup torersumik, pitsaasumillu kiisalu piffissami qaninnerpaami
naammassineqarnissaanik ilimagineqartup suliarineqarnerani tunuliaqutaavoq.
Suliaqarnermi Inatsisartunut ilaasortanut ingerlatitseqqinnermi nalunaarusiap eqqortumik
tamakkiisumillu imaqartinneqarnissaa pingaartinneqarpoq, ataatsimiititaliaq allappoq.
Ataatsimiititaliaq: Naalakkersuinermut attuumassuteqanngitsumik suliaqarpugut
Aqqaluaq B. Egede aamma isumaqarpoq, ataatsimiititaliap Kim Kielsenimik illersuiniarluni suliaq politikkikkut ingerlakkaa. Tamannali itigartinneqarpoq:
- Ataatsimiititaliamut pingaarluinnartuuvoq Kukkunersiuinermut Ataatsimiititaliap aamma uani suliami Naalakkersuinikkullu attuumassuteqanngitsumik aammalu Naalakkersuinikkut
suliaqarfiusumi matumani arlaannaanulluunniit attuumassuteqanngitsumik sulinera
erseqqissaatigeqqissallugu, tassa inuttut naalakkersuinikkullu arlaannaanulluunniit
attuumassuteqanngitsumik, ataatsimiititaliaq allappoq.
Læs hele sagen:
-
Naalakkersuisut sætter MSC-certificering over styr
-
Island har manglet MSC i flere sæsoner
-
Uenighed om kvoteforøgelse
-
Jeg har ikke hævet stenbiderkvoten
-
Kielsen udnytter sin position
-
Kim Kielsen skal undersøges af lovudvalget
-
Revisionsudvalget vil undersøge Kielsen
-
Forklaring om kvoteforhøjelser holder ikke
-
Inatsit kikkunnut tamanut atuuppoq
-
Ingen er hævet over loven