Skip to main content

Ataatsimeersuarneq: Ulloq aalajangiiffiusoq qinoqatigiinnermik aallartinneqarpoq

Siumukkut ullumi ualimut siulittaasumik qinersisussat, nuna tamakkerlugu ataatsimeersuarnerminni ulloq kingulleq adventip sapaataasa siulliat malunnartinniarlugu ullaakkut qinoqatigiinnermik aallartinneqarpoq.

Innuttaasut sinneri inini kialaartuni juullerpalaarneranni, Siumup nuna tamakkerlugu ataatsimeersuarnerani Nuummi Hotel Hans Egedemi siulittaasunngorniuttoqarpoq.

Aallartitat nunatsinnit tamaneersut 70-it missaanniittut tallimanngormalli partiip politikkia oqallisiginiarlugu katersuupput, ullumikkullu ullup ilaani ukiuni tulliuttuni partiip kimit aqunneqarnissaa paasineqassaaq.

Kim Kielsenip nalunaarutini tallimanngormat saqqummiuppaa, ullorlu Siumup immikkoortortaqarfiini siulersuisunut ilaasortanut ataatsimut ataatsimiinnermik naggaserneqarpoq.

Unnukkorsiornissaq immaqa angumerisinnaagaat

Arfininngornermi eqimattakkaarluni ataatsimiittoqarpoq, tassani najukkami peqatigiiffiit aalajangiiffissatut siunnersuuterpassuit oqaluuserisassaniittut oqaluuseraat, ullumikkullu siulittaasumik nutaamik qinersisoqarnerata saniatigut partiip 2020-2023-mi anguniagai oqaluuserineqassapput.

Pilersaarutit malillugit siulittaasumik qinersinissaq nalunaaqutaq ataatsimut 13.00 aallartittussaagaluarpoq, kisianni 14.45-mut kinguartinneqarpoq. Taamaattumillu aamma ataatsimiinnerup 17.00 naammassinissaralua eqqorumaarnersoq qularnarpoq.

Kisianni suna tamarmi ajunngitsumik ingerlappat, peqataasut ilaquttatik sapaassuarmi nereqatigisinnaavaat.

Provsti soraarneq Magnus Larsen ullaakkut qinoqatigiisitsivoq, taanna tussiutinik erinarsoqatigiinnermik aallarnerneqarlunilu naammassineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER