Skip to main content

Ataatsimeersuarneq: Timersorneq qaffassarneqassaaq

Kalaallit Nunaanni Timersoqatigiit Kattuffiat aamma Elite Sport Greenland aggustimi ataatsimeersuartitsissaaq

Timersorneq inuiaqatigiinni  suli pingaaruteqanerusumik inissisimalernissamut periarfissaqarluarpoq.

Taamaattumik Timersoqatigiit Kattuffiat assigiinngitsunik suleqasiussivoq oqaluttuarisaanermi aatsaat taamatut annertutigisumik ataatsimeersuartitsitsinissami, taakku peqatigalugit Kalallit Nunaanni timersorneq pillugu soqutigisaqaqatigisat katersorlugit Kalaallit Nunaanni timersornermik qaffassaaneq anguniarumallugu.  

Atuaruk: GIF-imi siulersuisut issimasut taperserneqarput

Siunissami timersorneq
Ataatsimeersuarnermi ‘Siunissami Kalaallit Nunaanni timersorneq’-mi qitiutinneqartussat tassaapput ingerlanneqartussat nutaat ingerlatsivissallu, timersorneq peqqinnerlu aammalu Ilinniarneq pikkorissunillu ineriartortitsineq.

Ataatsimeersuartitsinermi aaqqissuisut tassaapput Kalaallit Nunaanni Timersoqatigiit Kattuffiat aammalu Elite Sport Greenland suleqatigalugit Lokale og Anlægsfonden, Dansk Boldspil-Union kiisalu Idrættens Analyseinstitut. Aaqqissuisullu ataatsimoorlutik qitiutippaat Kalaallit Nunaanni timersorneq tassanilu periarfissanik angisuunik timitaliiniarnissaq.

Ataatsimut iliuuseqarsinnaasut
Timersoqatigiit Kattuffianni Generalsekretæriusup, Carsten Olsenip nuannaarutigaa, inupaassuarnik ulluinnarni timersornermik sammisaqarlutillu tunngavissiuisunik amerlasuunik ataatsimoortitsinissaq periarfissaalermat.  

- Timersornermut sammisut iluini piginnaanerpassuaqarpugut. Qiviaannarsinnaavagut  Arctic Winter Games aammalu Arctic Circle Race iuluatsilluartumik ingerlanneqartut. Timersornerup ikummatigalugillu ingerlatigai piumassuseq tunniusimanerlu, allannguinermut aqqutissiuisinnaasuusut. Ataatsimeersuartitsinissaq aqqutigalugu sinerissamit inuppassuit katersorsinnaavagut taamallu iliornikkut siunissami timersornerup iluani pisussat maannamit amerlanerusut pisussaanngortissinnaalissallugit, taanna tusagassiuutinut nalunaarummi erseqqissaavoq.

UEFA
Dansk Boldspil-Union, DBU, qanittukkut GBU-mik suleqatiginnilerpoq qitiutillugu anguniagariniarlugu Kalallit Nunaanni arsarnermi periarfissanik pitsanngorsaanissaq.  Taamaattumik ataatsimeersuarnermi aamma FIFA-mit UEFA-millu aammalu nunat avannarliit killiit kattuffiinit assigiinngitsunit peqataasoqarlunilu saqqummiussisoqassaaq. Isikkamimmi arsarnermik sammisaqarneq timersuutinut allanut annertuumik tuniluulluni aamma sunniuteqartussaassaaq. 

Timersorneq pillugu ataatsimeersuarneq Nuummi ulluni 17. - 19. aggustimi ingerlanneqassaaq.

Atauruk: AWG 2016-imi ujaminnattaat amerlassusaat GIF-ip nalilerpaa

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER