Ataatsimeersuarneq suleqaatigiinnik pilersitsissaaq
Corona pissutigalugu piffissami sivisuumi nalorninartorsioreerluni maanna aalajangiunneqarpoq Nukigap 2020-mi inuussutissarsiortunik ataatsimeersuartitsinissani ingerlatissagaa. Ataatsimeersuarneq septembarimi Odensemi ingerlanneqassaaq
Peqatigiiffiik Nukiga nalunaarpoq peqatigiiffiup ukioq mannattaaq inuussutissarsiortunik ataatsimeersuartitsineq aaqqissuutissagaa.
Ataatsimeersuartitsinissaq piviusunngunngitsuugajappoq coronamik ajornartorsiuteqarneq pissutigalugu, maannali Nukiga aaajangerpoq ataatsimeersuarneq pilersaarutigineqartutut Odensemi Nordatlantiske Husimi septembarip 16-ianni 17-iannilu ingerlanneqassasoq.
Hackathon
Ukioq manna ataatsimeersuarnerup qulequtarissavaa »Et hackathon om online-partnerskab« (onlinekut peqatigiinneq pillugu hackathon). Taamatut taaguuserlugu Nukigap erseqqissarpaa ataatsimeersuarneq naleqquttumut sammitinneqassasoq, aammalu workshopinik ingerlatsisoqassasoq, atasinnaasumik peqatigiilernernik kinguneqarsinnaasunik.
– Hackathon ineriartortitsinermik periusiuvoq, pingaartumik IT-lerisuni atorneqartoq, tassani peqataasut naapeqatigiittarlutik isumassarsiat nutaat ineriartortinniarlugit aammalu tunisassiornissamut isumassarsiat inerisarniarlugit, Nukigap pisortaa Morten Larsen oqaluttuarpoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: