akiligassat
Ataatat maanna 344 millioninik akiligassaqalerput
Angajoqqaat akiligassaminnik meeqqanut akilersuutiminnut akiliinngitsooraangasa inuiaatigiit akiliisariaqartarput. Taamaasiorntarnerallu akulikilliartorpoq
Innuttaasut pisortanut akiitsui ataatsimut isigalugit appariartorneranni, akiitsoqarfimmut aalajangersimasumut akiitsut naassaanngiusartumik qaffakkiartuinnavipput.
Taakkulu tassaapput meeqqanut akilersuutit, tassa ilaqutariinnut inatsit naapertorugu akiliut, angajoqqaat – amerlanertigut ataataasup – avinnerup kingorna meeqqamut aningaasartuutinut matussuseeqataanissaa pillugu akilerneqartartoq.
Amerliartortut
Attassisinnaanermut Siuariartornissamullu pilersaarummi saqqummiunneqaqqammersumi, 2015-imi akiitsut taamaattut 69.936-it suliassaasut Naalakkersuisut oqaatigaat. Kitsitsillu taanna 2016-imi januaarimi 72.800-mut qaffassimavoq.
Taamaalillunilu meeqqanut akilersuutinik akiliinngitsoortarnermik suliat, nunatsinni innuttaasunit amerlanerupput.
Innuttaasut pisortanut akiitsui ataatsimut isigalugit appariartorneranni, akiitsoqarfimmut aalajangersimasumut akiitsut naassaanngiusartumik qaffakkiartuinnavipput. Taakkulu tassaapput meeqqanut akilersuutit, tassa ilaqutariinnut inatsit naapertorugu akiliut, angajoqqaat – amerlanertigut ataataasup – avinnerup kingorna meeqqamut aningaasartuutinut matussuseeqataanissaa pillugu akilerneqartartoq.
Attassisinnaanermut Siuariartornissamullu pilersaarummi saqqummiunneqaqqammersumi, 2015-imi akiitsut taamaattut 69.936-it suliassaasut Naalakkersuisut oqaatigaat. Kitsitsillu taanna 2016-imi januaarimi 72.800-mut qaffassimavoq.
Taamaalillunilu meeqqanut akilersuutinik akiliinngitsoortarnermik suliat, nunatsinni innuttaasunit amerlanerupput.
Pissakitsut akiitsullit
Akiitsorineqartullu soorunami aamma amerleriaateqarput. 15 million koruuninik.
2015-imi januaarimi pineqartumi akiitsorineqartut katillutik 329 million koruuninik annertussuseqarput, ukiullu tulliani kisitsit taanna 344 million koruuninut qaffariarpoq.
Taamaalillunilu meeqqanut akilersuutinut akiitsut, akiitsorineqartut tamarmiusut 875 million koruuniusut 40 procenteraat, inummulluunniit ataatsimut – inoorlaamit utoqqarsuarmut - agguaqatigiissillugu 16.000 – 17.000 koruunit.
Oqaluttuaq tamaat AG-mi uani sapaatip-akunnerani saqqummertumi atuaruk. Aviisi aamma uani pisiarisinnaavaat: