EM-ertunukalersut

Ataataq ernerlu arsaattunut angalanermik ajugaasut

Kalaallit marluk Frankrigimut angalanissamik eqquipput, taakku tassani isikkammik arsarluni Europami pissartanngorniunnerit isiginnaassavaat

Javi Martinez aamma Sergio Ramos Spaniameersut

Karl David Møller ataataalu, David Møller, tamarmik Sisimiuneersut misigisassamik annertuumik qilanaaruteqarput.

Tassami Frankrigimut angalanissamik ajugaapput, Europamilu isikkammik arsarluni pissartanngorniunnerit isiginnaassavaat.

Unammineq annertooq takussagaat
Unamminermut tassunga peqataaniaraanni Pisiffiup pisiniarfiini imminut assilisinnarluni Carlsberg Greenlandip Facebookimi qupperneranut assimik ikkusisoqartussaavoq.

Taakkulu marluk iluatsitsillutik unammisitsinermi ajugaapput, Spaniap aamma Tyrkiap unamminerat juunip 13-ani isiginnaassavaat.

Unammisitsinermut Carsberg aaqqissuisuuvoq.

Powered by Labrador CMS