Ataasinngorneq: Corona pillugu tusagassiortunik katersortitsinerit marluk
Ataasinngornermi ullup-qeqqata siorna corona tunngatillugu marloriarluni tusagassiortunik katersortitsisoqassaaq. Ataaseq ammaaqqinnissamut tunngatillugu, aappaalu Aasianni tunillatsissimasoqarneranut tunngatillugu.
Tusagassiortunik katersortitsineq siulleq qulingiluanut aallartinneqassaaq, tassanilu nunamik ammaaqqinnissamut pilersaarut saqqummiunneqassalluni. Partiini siulittaasut tamarmik peqaataassapput .
Partiit siuttui sapaatip akunnerani kingullermi tallimanngornikkut ataatsimeeqatigiipput, tassani ammaaqqinnissap qanoq ingerlanneqarnissaa pillugu oqallittoqarluni. Nuna martsip 20-anili matoqqatinneqarpoq. Angalanissamut piumasaqaatit maajip 31-ata tungaanut atuukkallarput.
Tusagassiortunik katersortitsinerup aappaa aqqarnup-qeqqanut pissaaq. Tassani sammineqassalluni nutaamik tunillatsittoqarsimanera, tassanilu saqqummiussissapput Kima Kielsenn unatsinnilu nakorsaaneq Henrik L. Hansen.
Sermitsiaq.AG sooruna tusagassiortunik katersortitsinernut taakkununnga marlunngut peqataassaaq.