Ataaseq nutaaq tunillatsissimasoq paasineqartoq
Sapaatiummat misissuisarfinni misissuisoqarsimanngilaq, napparsimasunilli misissuinermut atatillugu Nuummi ataatsimik nutaamik tunillatsittoqarsimasoq paasineqarpoq.
Nunatsinni Nakorsaaneqarfimmit ataasinngornermi ullup-qeeqanut nalunaarutigineqarpoq, ullormi kingullermi tunillatsissimasumik ataasiinnarmik nassaartoqarsimasoq.
Nakorsaaneqarfik nittartakkamigut allappoq, misissuisarfinni sapaatiummat misissuisoqarsimanngitsoq.
- Pinasuartumik misissortittariaqartut ikittuinnaat kisimik misissorneqarsimapput. Tassungalu atatillugu Nuummi tunillatsissimasumik ataatsimik nassaartoqarsimalluni, Nunatsinni Nakorsaaneqarfik allappoq.
Piffissami kingullermi tunillatsissimasut nutaat illoqarfiit pingaarnersaanni nassaarineqarnerusarsimapput. Tamanna aamma takussutissami ataaniittumi, ilaatigut maannakkut tunillatseqqasut amerlasussaannik takutitsisumi takuneqarsinnaavoq.
Tunillatseqqasunit 102-sunit 97-it Nuummi nassaarineqarsimapput.
