Assit: Unamminerit aalajangiisussat unammissutigineqassapput

Nuummit B-67 aamma Qaqortumit K-33 Pulje A-mi Pulje B-milu siuttuupput angutit futsalimi Nunatsinni pissartanngorniunneranni.

Taakku semifinalimut anngupput, ullumilu timersoqatigiiffiit allat sorliit ingerlaqqissanersut paasineqassapput.

Pingasunngornermi unamminerit marlunngormasulli isertitarpassuaqarpoq. Unamminerni sisamani ingerlanneqartuni katillugit 54-nik isertitsisoqarpoq. B-67 aamma Paamiunit Nagtoralik pingasunngornermi unammeqqaartuupput. Unamminermi B-67 14-2-mik ajugaavoq, unamminermi B-67-mit Philip Holmene tallimanik isertitaqarpoq, taanna GM-imi maannakkut isertitsinersaagallarpoq katillugit arfineq pingasunik isertitaqarami.

Ilulissanit Nagdlunguak aamma Nuummit IT-79 Pulje A-mi aamma unammipput, tassani Nagdlunguak 7-5 ajugaavoq. Unammineq timersoqatigiiffinnut taakkununnga pingaaruteqarpoq, tassami ajugaasoq semfinalernissamut suli periarfissaqassammat.

Pulje B-mi K-33 marloriarluni unammereerluni unammisatik tamaasa ajorsartereerpaat. Maniitsormiunut Aqissiamut pingasunngornermi unamminerminni 8-5-mik ajugaapput. Puljeqataat I-69 aamma Kugsak-45 unammipputtaaq. Tassani Qasigiannguarmiut Kugsak-45 10-3-mik ajugaapput.

Puljekkaarnermi unamminerit kingulliit ullumi pingasunngornermi unammissutigineqassapput.

Puljeni inissikkallarnerit:

Pulje A:

• 1: B-67, 6 point
• 2: Nagdlunguak', 3 point
• 3. Nagtoralik, 3 point
• 4: IT-79: 0 point

Pulje B:

• 1: K-33, 6 point
• 2: Aqissiaq, 3 point
• 3: Kugsak-45, 3 point
• 4: I-69, 0 point

Sisamanngornermi unamminerit:

Pulje A:

• Nal. 14.00: B-67 - Nagdlunguak
• Nal. 18.00: IT-79 - Nagtoralik

Pulje B:

• Nal. 16.00: I-69 - Aqissiaq
• Nal. 20.00: K-33 - Kugsak-45