Assit: Umimmaat qumaannarneqarsimasut
Qasigiannguup eqqaani umimmaat qimaannarneqarsimasut siumorneqareersut, Kommune Qeqertalimmi kommunalbestyrelsimi ilaasortaq Kristian Jeremiassen piumasaqarpoq Qasigiannguani piniarnermut nakkutilliisoqalernissaa
Qasigiannguit kujataani Kangersunermi umimmaat marluk qimaannarneqarsimapput.
- Assit takullugit nuanninngillat, takusaq aamma uggornartorujussuuvoq. Pisanik qimatsineq ulluinnarni naammattoorneq ajorparput, taamaattumik takusaq nuannerpallaanngilaq, Kristian Jeremiassen, kommunalbestyrelsimi ilaasortaasoq, Sermitsiaq.AG-mut oqarpoq.
Umimmak ataaseq qimaannarneqarsimavoq, aappaaa quttoraanik tigusiinnariarluni qimaannarneqarsimalluni.
Piniarnermik nakkutilliisoq
Kristian Jeremiassenip Kommune Qeqertalimmut siunnersuutigivaa Naalakkersuisut saaffingineqassasut Kommune Qeqertalimmi piniarnermut nakkutilliisoqalernissaanik piviusunngortitsissasut.
- Inatsisit nalunaarutillu eqqortumik nakkutigineqarnissaat pisariaqarpoq, Ilulissani piniarnermut nakkutilliisoqarpalukkaluarpoq, takuneq ajorpagut, tusarneq ajorpagut tassali nakkutigisassaat annertoruttormat, oqarpoq.
- Umimmianniarneq kisimi nakkutigineqassanngilaq, aalisarsarneq, piniarneq, tuttut, umimmaat allallu nakkutigineqartariaqarput, Kristian Jeremiassen oqarpoq.