Skip to main content

Assit: Timmisartoqarfiliorneq qulaaniit takujuk

Issersuup aputillu Munck Gruppenimi sulisut nutaamik timmisartoqarfiliornermut atatillugu qaqqanik qaartiterinerat akornusersunngilaat

Sermitsiaq.AG-p silaannakkut assilitissimasaanni takuneqarsinnaasutut, qaqqaq qaartiterneqarsimavoq nunaminertallu ujaqqanik immerneqarsimallutik.

Søren Okholm

Assinut nassuiaatit, saamerlermiit talerperlermut:

Tasinnguaq Quassussuup naqqaniittoq timmisartoqarfimmullu aqquserngup maanna matuneqarsimasusup kangianiittoq ujaqqanik ulikkaarlugu immerneqarpoq. Biilit uninngasarfissaat tassaniittussaavoq.

Biilit uninngasarfissaata timmisartoqarfimmullu aqquserngup akornanniittoq qaqqaq 10 miiterit ammut angullugit qaartiterneqarpoq, tassa biilit uninngasarfissaanut toqqissuutinniarlugu. Biilit uninngaffiata talerpiata tungaanittut qaqqat qaartiterneqassapput, timmisartoqarfiup illutassai taakkunani inissisimassapput.

Talerpiata tungaani ungasinnerulaartumi quassukkat mittarfiup atuutereersup ilassutaatut isikkullit takuneqarsinnaapput. Tassani qaqqap qaava qaartiterlugu piiarneqassaaq, taamalillutalu siunissami inissisimaffissaa maanna tikipparput, piffissami aggersumi quassukkap kujataata tungaa Nuup Qinnguata kangerluata tungaaniittoq qaartiterneqassaaq. Qaartitikkat sinneri qooqqup quassukkap talerpiata tungaaniittup immerneqarnissaanut atorneqassapput.

Qaqqami talerperlermiittumi putoq timmisartoqarfiliornermut attuumassuteqanngilaq, Betoncentralimulli attuumassuteqarluni.

Najugaqarfik

Najugaqarfissaq suliaralugu naammassineqangajalerpoq. Najugaqarfissartaa 30-nik initalik kiisalu timigissartarfittalik, saunartarfittalik uffarfittalillu aamma fjernsynitalimmik fjernsynetaqanngitsulimmillu isersimaartarfilik kisimi amigaataalerpoq. Eqqissisimaartarfissaa kaajaluisap qeqqanut inissinneqassaaq.

Kitaata tungaaniittoq suliniummut aqutsisunut, ingeniørinut, nunamik uuttortaasartunut allaffimmiunullu atugassiaassaaq, kujataata tungaaniittoq kaantiinaassalluni. Nerisassat maannamut illoqarfimmit aggiunneqartarput, pilersaarutaavorli kaantiinami nammineerluni nerisassiortoqartalernissaa. Avannaata kangiatalu tungaaniittoq sulisunut inissiaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER