atoqqaartitsineq

Assit: Nunatsinni erngup nukinganik nukissiorfittaaq

Erngup nukinganik atuineq pineqartillugu nunarsuarmi siuttunut ilaavugut. Nunatsinni erngup nukinganik nukissiorfiit tallimassaat tallimanngornermi atoqqaartinneqarpoq. – Tassaavoq namminiilivinnissamut aqqutissaq, atoqqaartinneqarnerani oqartoqarpoq

Nukissiorfiup sanaartorneqarnerata nalaani sulluliaq 5,5 kilometerinik takissusilik qaartiterneqarpoq, innaallagissap aqqutaa 50 km pilersinneqarluni aqqusinerlu 10 km sanaartorneqarluni.
Miiti Lynge alapernaatsoq qaqqap iluani nukissiuuteqarnermut pisortamit Henrik Estrupimit angallanneqarpoq.
Miiti Lyngep Ilulissat eqqaanni nukissiorfittaaq atoqqaartimmagu filmiliortunnguaqarlunilu assiliisunnguaqarpoq.
Miiti Lynge alapernaatsoq qaqqap iluani nukissiuuteqarnermut pisortamit Henrik Estrupimit angallanneqarpoq. Niels Ole QvistMiiti Lyngep Ilulissat eqqaanni nukissiorfittaaq atoqqaartimmagu filmiliortunnguaqarlunilu assiliisunnguaqarpoq. Niels Ole QvistNukissiorfiup sanaartorneqarnerata nalaani sulluliaq 5,5 kilometerinik takissusilik qaartiterneqarpoq, innaallagissap aqqutaa 50 km pilersinneqarluni aqqusinerlu 10 km sanaartorneqarluni. Niels Ole QvistMiiti Lynge alapernaatsoq qaqqap iluani nukissiuuteqarnermut pisortamit Henrik Estrupimit angallanneqarpoq. Niels Ole QvistMiiti Lyngep Ilulissat eqqaanni nukissiorfittaaq atoqqaartimmagu filmiliortunnguaqarlunilu assiliisunnguaqarpoq. Niels Ole QvistNukissiorfiup sanaartorneqarnerata nalaani sulluliaq 5,5 kilometerinik takissusilik qaartiterneqarpoq, innaallagissap aqqutaa 50 km pilersinneqarluni aqqusinerlu 10 km sanaartorneqarluni. Niels Ole QvistMiiti Lynge alapernaatsoq qaqqap iluani nukissiuuteqarnermut pisortamit Henrik Estrupimit angallanneqarpoq. Niels Ole Qvist

Miiti Lyngep tanngassimaaqaluni assiliiviillu qaammallaataataannit qinngorfigineqarsimalluni erngup nukinganik nukissiorfittaaq Ilulissaniit 50 kilometerinik ungasissusilimmiittoq tallimanngornermi ullup-qeqqata missaani atoqqaartippaa.

Erngup nukinganik nukissiorfik nunatsinni maannamut sanaartukkani annerpaanut ilaavoq.

- Nukissiorfik ullumi atoqqaartitarput alutornarluinnartuuvoq. Qaavaniit annikitsunnguatut isikkoqarpoq, kisianni illoqarfik Ilulissatut ittoq tamakkerlugu innaallagissamik pilersorsinnaallugu. Ilulissatulli 9/10-ia nunap qaavata ataaniippoq, oqarpoq.

Naalakkersuisunut ilaasortap qaleq qioreeramiuk nunap iluanut itisuumiittumut ammukarpoq nukissiorfiup uummataa, sulluliarsuup isuaniittoq, nammineq isiminik takusinnaajumallugu.

Inuppaalussuarnik malitseqarpoq, ilaatigut nukissiuuteqarnermut pisortaq Henrik Estreup, Islandip aallartitaat toqqarneqaqqammersoq aamma minnerunngitsumillu sulisartut, suna tamaat naammassiniarlugu naggataa tikillugu tamaviaarlutik sulisimasut.

Erngup nukinganik nukissiorfik Paakitsumiittoq nunatsinni nukissiorfiit tallimassaraat. Siulleq Nuummiittoq 1993-imi atorneqalerpoq, kingornalu ilaatigut Tasiilami, Narsami Sisimiunilu nukissiorfiit malinnaatinneqarlutik.

- Nukissiorfittaarput aqqutigalugu nukissamik ataavartumik atuinerput tamarmiusoq 70 procentinik annertussuseqalerpoq. Nunamut nunatsitut ittumut naammassisaavoq imaannaanngitsoq. Nunarsuarmi nunat maanisut peqataasinnaasut amerlanngillat, nukissiuuteqarnermut pisortaq Henrik Estrup oqarpoq.

- Tamanna tassaavoq allanik isumalluuteqarunnaariartornermut, nammineernerulernissamut, aqqut, ilassuteqarluni oqarpoq.

Ilulissani nukissiorfittaaq 600 millioner koruninik akeqarpoq. Miiti Lynge naapertorlugu aningaasat atorluarneqarput:

- Erngup nukinganik nukissiorfimmit nukissamik mingutsitsisuunngitsumik atuinitsigut nukik pinngortitameersoq innaallagissamik pilersornissatsinnut atorparput. Erngup nukingata taamaalilluni nutaaliaasumik pinngortitamut atassuserpaatigut. Erngup kaaviiaarnera iluaqutigaarput: Aputip nakkarneraniit aakkarninnguullunilu iminnguunnermigut kaavittut aqqusaarlugit ingerlaarneranut.

Powered by Labrador CMS