Skip to main content

Assit: Naja Abelsenip silarsuaa misigiuk

Naja Abelsen kalaallinik qallunaanillu siuaalik Arømi eqqumiitsuliornissaq eqqissisimanartippaa

- Tamaani Ærømi toqqisisimanartuunera pissutigalugu titartaasinnaavunga. Puullaaqiffiungaluarpat titartaasinnaassanngikkaluarpunga, Naja Abelsen Æringskøbingimi Sermitsiaq.AG-mut oqarpoq.

- Soorlu Kalaallit Nunaanni najugaqaannarluni. Ikioqatigiittarpugut paaseqatigiilluartarlutalu. Kikkut tamarmik nuannersuupput ikiuukkumatullutillu. Tamaani inuuniarneq oqitsuaraavoq. Inuit naapittakkat naapitassaajuaannarput.

Ærømi Arøskøbing fynip kujajasissortaaniittoq, Svendborgimiit ikaartaammik minutsini 75-ini ungasitsigoq, Naja Abelsenip 2009-miik najugarilersimavaa. Naja Abelsen 1964-imi inuuvoq. Meeraanermini ukuit arfineq-pingasut Qaqortumi najugaqarsimanera eqqaassanngikkaanni Danmarkimi najugaqartuaannarsimavoq. Ærøskøbingimi najugallit 1000-it missaanniipput qeqertamilu 6.000-it najugallit missaanniillutik.

Spænder vidt

Naja Abelsenip eqqumiitsuliorfinni issiaatiinnarnissaa ajornakusoorpoq.

Eqqumiitsuliortarfia suliarpassuanik ulikkaarpoq. Titartakkat amerlanerupput. Pappiaqqanik qiortakkat. Ilulisersorlugit titartakkat. Naja Abelsenip suna tamaat isumassarsiorfigisarpaa. Ulluinnarniit, internettimiit, atuakkaniit, kalaallit oqaluttuaataanniit, kalaallit piniartutoqqaniit kangianilu qitittartut. Titartakkat amerlasuut naatsumik oqaasilersorneqarsimapput.

Naja Abelsenip eqqumiitsuliorfiata ilisivianiittut suliarpassui soqutiginnittunit pisiarineqarsinnaapput. Postkortit, frimærkit, julemærkit, titartakkat soorunami Naja Abelsenip ilusilersorsimasai juullimut tunissutisiassanut atuakkanullu atorneqarsinnaapput. Naja Abelsen pissaganartunik nuannersunik oqaluttuallaqqissuuvoq. Æringskøbingimut pulaarnermi Kalaallit Nunaat, kangiani tupinnartut, silaannaap allanngoriartornerani kingunipiluutit Kalaallit Nunaannilu uranisiortoqalersinnaanera qulequttani pingaarnerit ilagaat.

- Saqqummersitsinerit ilaanni inuit suliarpassuaqartunga paasigaangamikkit kalaalerpaluttullu amerlavallaannginneri takullugu pakatsissutigisarpaat, Naja Abelsen oqaluttuarpoq.

Taamaakkarluartoq: Eskimot inooriaasitoqaat, tupinnartut nunarsuaat, ullorissat siulittuutit isumassarsiorfigiuaannarpai. Eskimot pillugit suliai Hundestedimi Knud Rasmussen Husimi saqqummersinneqarsimapput.

 

- Pappiaqqanik qiortaaneq meeraninniilli soqutigisarilersimavara. Meeraanerma nalaani allarpassuit assigalugit juulleriartornerani qiortaasarpugut.

Eqqissisimasoq ilakkuminartorlu

- Arnat nukittuut angutillu saamasut Naja Abelsenip oqaluttuarai kangianilu tupinnartut pissaganartuliat suliarisimasani arlallit eqqaallugit. Yogamik ilinniartitsisup harappa inui pillugit, ukiuni tuusintilikkuutaani eqqissillutik pitsaasumillu inooqatigiissimaneri pillugit oqaluttuartoq tusarnaarlugu nuanneqaaq. Ullutsinni tamanna ilinniarfigineqarluarsinnaavoq, Naja Abelsen oqarpoq.

- Eqqissisimatillunga titartaasinnaasarpunga. Titartaalluarniartillungalu angissussaa peqqissaarunneralu eqqussappata ilusilersukkamik atuisarpunga, Naja Abelsen, niviarsiaqqamik Baliminngaanneersumik suliaqartilluni nassuiaavoq. Titartagaq Naja Abelsenip Aarhusimi Moesgård Museumimi pulaarnermi ilaani aallartissimavaa.

Naja Abelsen ataasinngornerit unnuit tamaasa titartaasarnini isumassarsiorfigisarpaa. Eqqumiitsuliorfiata qulaani najugaqarfigisaa inuit arfineq-pingasuniit qulit tikillugit eqqumiitsuliornermik sungiusariartillugit ilinniartitsivittut atortarpaa.

Maanna Kalaallit Nunaat

Naja Abelsenip CV-imini angusarissaarsimavoq. Kalaallit Nunaanni, Danmarkimi, Sverigemi, Norgemi, Belgiami Frankrigimilu ukiut ingerlanerini katersugaasiviit, eqqumiitsuliortut inaat saqqummersutsiviillu assigiinngitsut saqqummersitsivigisarsimallugit.

Naja Abelsen maannakkorpiaq eqqumiitsuliortut allat arfineq-pingasut peqatigalugit Maanna Kalaallit Nunaat saqqummersippaa. Saqqummersitat Danmarkimi sumiiffinni assigiinngitsuni takusassiarineqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER