Skip to main content

Assit: Inuit peqqissut uani misissorrneqartassapput

Nuummi misissuisarfik nutaaq avataanit tikittut ippigisaqanngitsoq misissorneqarnerannut atorneqartassaaq. Misissuisarfik Kommuneqarfik Sermersuumit peqqinnissaqarfimmiilu namminneq piumassutsiminnik missuisarusuttunit ingerlanneqassaaq. Misissuisarfik ullumi marlunngornermi ammassaaq.

- Inuit coronamut tunillatsissimanersut misissorneranni, qarnup iluani iggiamikkut tigusiffigineqartassapput. Taamaammat misissuinnermi atortoq kaavisillugu atorneqartassaaq.

Ataasinngornermi ualikkut Nuup illoqarfiata qeqqani Brugsenip eqqaaniittumi 'Kalaaliaraasimasumiippugut', ullumi marlunngornermi coronamut misissuisarfittut ammarneqartussami. Inuit Danmarkimit tikinnerminni ulluni tallimani imminnut mattusimasimasut, kalaaliaratoqqami misissorteqqittartussaapput. 

Sermitsiaq.AG ataasinngornermi takuniaammat, Kommuneqarfik Sermersuumi sulisut aqqaneq-marluk namminneq piumassutsiminnik coronamut misissuisartussat ilitsersuisumit ilinniartinneqaleruttorput.

Nuummi misissuisarfissap ammarneqarnissaanut piareersarneq
Leiff Josefsen

Inuit taakku aqqaneq-marluk namminneq piumassutsiminnik misissuisartussatut imminnut neqeroorutigisimapput. Taakkuupput coronamik tunillatsittoqarsimanersoq misissuisartussat. Misissuisarfissami tipi sakkortullunilu tungusunnittutut tipeqarpoq, misissuisarfissarmi qalipanneqaqqammerpoq, sanasullu misissorneqartussarpassuarnut atorneqartussanik kingullernik naammassiniaallutik ulapputileruttorlutik.

- Misissuisarfissaq aqagu ammartinnagu naammassineqareersimassaaq, Kommuneqarfik Sermersuumi ineriartortitsinermut siunnersorti Else Momme namminneq piumassutsiminnik suliaqarusuttunik ataqatigiissaarisuusoq oqarpoq.

Namminneq piumassutsiminnik suliaqarusuttut taakku aqqaneq-marluusut Kommuneqarfik Sermersuumi sulisuupput, immikkoortortaqarfinnilli assigiinngitsuneersuullutik. 

Illersuutit eqqortumik atorneqarnissaannut ilinniartitsisut
Leiff Josefsen

- Sapaatip akunneranut ataasiarlutik marloriarlutilluunniit pigaartuusassapput. Inunnik ullut tallimat qaangiunneranni misissorteqqittussanik misissuinerit siulliit 150-it marlunngorpat ingerlanneqassapput. Tamatuma kingorna ilaasut Nuummut tikittut amerlassusaat naapertorlugit misissuisoqartassaaq, Else Momme oqarpoq.

Taassuma ilisimatitsissutigaa, Københavnimit Nuummut tikittut 'Kalaaliaqqami' qaqugukkut misissortissanerlutik allagartamik tunineqartassasut.

- Takkukkaangata nalunaarsorneqartassapput, taamaaleriarlunilu misissugassanik tigusiffigineqareeraangata suliaq naammassineqartassalluni. Misissuinertit minutsini marlussunni sivisussuseqartassapput, Else Momme isumannaallisaanermi malitassat tamarmik malinneqartussaammata, namminneq piumassutsiminnik suliaqartussat tunillatsinnginnissaannik neriorsuisoq oqarpoq.

Misissuisarfik ammasassaaq ullaakkut arfineq-pingasuniit ullup qeqqata tungaanut, inuillu ippigisaqanngitsut kisimik misissorneqartassallutik. Allat tamarmik Dronning Ingridip Napparsimmavissuani, sanami, misissorneqartassapput.

- Misissugassamik tigusiffigineqartut SMS-ikkut nalunaarfigineqartassapput. Nalinginnaasumik ullormi misissortiffiusumi unnukkut tamanna pisassaaq. Ilaannikkooriarlunili nalunaaquttap akunnerini 24-ni utaqqisoqarsinnaasassaaq, Else Momme ilisimatitsivoq.

Laura Kyed ulluinnarni kommunimi sulisarpoq, namminnerlu piumassutsiminnik suliaqarusuttut aqqaneq-marluusut ilagivaat.

- Arlallit misissortissinnaasanngitsut tusarakku ikiuukkusullunga nalunaarsimavunga, isumaqarama nammineq piumassutsimik nalunaaruteqarnissaq pingaaruteqartoq. Eqqarsarsimavunga isumassarsiatsialaasoq, misissuinrmut atatillugu sukkanerusumik akissutisisarnissaq, taanna oqarpoq.

Laura Kyed nammineq piumassutsiminik coronamut misissuisartussaq
Leiff Josefsen

Tassuma tuunillatsissinnaalluni ilisimaarilluarpaa.

- Illersuutissat qanoq atorneqarsinnaanerinik ilinniartilluarneqarpugut, tamanna eqqumaffigilluarpara. Taamatut ilinniartinneqareeratta ernumavallaanngilanga. Tunillatsissinnaanermut annilaanngateqarnermik 1-imiit 10-mut nalilersuinermi, uanga 1-imi 2-miluunniit inissisimannguatsiarpunga, taanna illarluni oqarpoq.

- Maanni sulillunga aallartinnissannut pissangalaarpunga. Ilikkagaqaqaangali, assersuutigalugu illersuut eqqortumik qanoq peerneqarsinnaanersut ilikkarpara, aamma iggissamit misissugassamik tigusillunga misileqqammerpara. Ilikkagaq annertuvoq, iggiarmi suatungaaniinnersoq ilisimasimanngilara, taamaammat ajunngivippoq, Laura Kyed oqarpoq.

Namminneq piumassutsiminnik misissuisartussat misissuinerminni qanoq pitsaanerpaamik angusaqarsinnaanerminnut ilinniartinneqartut
Leiff Josefsen
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER