Skip to main content

Assit: Inneruulat ukiunik 45-nngortorsiortut

Nipilersortartut Inneruulat 1976-imi Aasianni pilersinneqarput. Nipilersortartut kinguaariiaannit arlalinnit tusarnaarneqartarput, borgmesterillu Ane Hansenip nipilersortartut nuannarineqarluartut nalliuttorsiorneranni pilluaqquai.

’Inuit ilannguat aggerpoq…’ Taanna Inneruulat erinarsuutaasa ilagaat nunami maani inuppassuarnit ilisimaneqartoq.

Nipilersortartut borgmesterimit Ane Hansenimit tallimanngornermi ualikkut ilassineqarput, tassani borgmesterip nipilersortartut pilluaqquai qujaffigalugillu taalliatik erinarsuutitillu aqqutigalugit nunami ataqatigiissitsilersarnerat pillugu.

- Inneruulat pileqqaarmata nunatsinni inuusuttuusugut allannguerusussuseqarluta, nujakkaarsuulluta, paakkaarsuaqarluta pikialaartarsimavugut. Inneruulat Aasiannut kommunitsinnullumi nittarsaassilluartuupput ilisimaneqaataallutillu.

- Nipilersornikkut inuiaqatigiit akornanni maannamut annertuumik ataatsimoortitsisut. Inneruulat nipilersornerup silarsuaani pisoorsuutimmatigut qujassuteqarfigivakka, unnummullu qilanaarpugut appisimaarnissaannut” (tallimanngornermi), borgmesteri Ane Hansen Inneruulat pulaarmata taama oqaaseqarpoq.

Inneruulat tallimanngornermi Aasiaat timersortarfissuani nalliuttorsiornerminnut atatillugu tusarnaartitsipput. Tallimanngornermi ilaqutariinnut unnulernerani tusarnaartitsisoqarpoq, kingusinnerusukkullu inersimasunut matut ammarneqarlutik.

Ilassinninnermi najuupput Inneruulani guitarertoq, ataasiakkaarisoq Kaaleeraq Reimer, qangaaniilli nipilersoqataasartoq Leif Immanuelsen, nipilersoqatigisartagaat Pele Kaspersen, Nukannguaq Sandgreen, Viila Sandgreen aamma peqatigiiffik Inussuit-mi siulersuisut, Kommuni Qeqertalimmit ilisimatitsissutigineqarpoq.

Inneruulat Nuummi novemberimi aamma tusarnaartitsissapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER