Assit: Ilinniarnermik naammassinermi nalliuttorsiorneq
Nuummi tallimanngornermi nalliuttorsiortoqarpoq. Inuiattut ullorsiornissatsinnut ullut pingasuinnanngortullu Niuernermik Ilinniarfimmi naammassisut katillugit 144-iupput. Assassorlutillu suliallit nutaat 35-t kigutigissaasunngortullu qulit allagartartaarput.
Nasat qaqortut sumi tamaani Nuummi tallimanngornermi takussaapput. Ilinniarnermik naammassisut allagartartaarrapput maannalu suliffeqarfinni assigiinngitsuni aasaanerani sulinngiffeqareerunik sulisussanngorlutik.
Pisarnertitut illoqarfiup qeqqani 'Amisuni' Katuamilu nalliuttorsiortoqarpoq. Niuernermik Ilinniarfimmi naammassisut akornanni ilinniarfiup pisortaa, ilinniartitsisut ilinniartullu oqalugiarput. Ilinniarfimmi ikinngutaalluartoq piffissamillu eqquilluartartoq toqqarneqarput. Ilinniarfiillu tamaasa atuaqataalluartumik toqqaapput.
Nunarpullu sanasunik 17-inik, qalipaasunik aqqaneq-marlunnik, VVS energimontører-inillu arfinilinnik pisuunnguallappoq. Taassuma saniatigut kigutigissaasut qulit aamma allagartartaarlutik.
Assit qulaaniitut isiginnaakkit.