Assit: Ida naggammik inuulluaqquneqarpoq
Operarluni erinarsortartoq Ida Heinrich toqukkut qimaguppoq tallimanngormat. Ullumi marlunngornermi ilisaavoq
Ida Heinrichip ilisaaneranut atatillugu Nuummi Hans Egedep Oqaluffiani naalagiaqatigiittoqarpoq.
Tassani operarluni erinarsortartup Ida Heinrichip ilaqutaasa ikinngutaasalu naggammik inuulluaqquaat. Sivisuumik kræftimik nappaateqarluni tallimanngormat toqukkut qimaguppoq.
Naalagiaqatigiinnermi Hans Egedep Oqaluffia inuppassuarnik ulikkaarpoq. Ida Heinrichip ilisaanissani pilersaarusioqqissaarnikuuaa. Ilisineq alianaraluartoq inunnit peqataasunit qaqugumut ilisineq puigunaatsuussaaq.
Maannguaq Dalager ilisinermi palasiuvoq, Noah Mølgaard pattattuulluni. 'Guutiga Illimmi', 'Naasut tamarmik toquffianni', 'Pigaara assit ilunni' aamma 'Qujavunga pereersunut' ilisinermi atorneqarput.
Ida Heinrich operarluni erinarsortartutut angusarpassuaqarpoq. Nuuteeqqanik arlaleriarluni saqqummersitsinikuuvoq, Nunatsinnilu illoqarfinni amerlanerpaani tusarnaartitsinikuulluni. Kulturikkut Nersornaammik ukioq kingulleq tunineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...