Assit: Atuatut 250-it amerlanerpaanik pointinnanniutsillugit atuaqatigiiaanik unammisitsineq
Sisimiuni atuarfinni pingasuni atuaqatigiiaat 18-it tamaviaaqalutik amerlanerpaanik pointinnanniussimapput
Teknikimik Ilinniarfimmi Sisimiunittumi Summer Games tallimanngormat ingerlanneqarpoq. Tamanna KTI-mi pivoq. Amerlanerpaanik pointinnanniullugu unammersuartoqarsimalluni.
Atuarfiit pingasut amerlanerpaanik pointinnanniullutik unammisimasut tassaapput: GUX-Sisimiut, Sanaartornermik Ilinniarfik aamma Aatsitassarsiornermik Ilinniarfik. Atuarfinni pingasuusuni ilinniartitsisut tamarmik unamminerni tamani ikiuussimapput.
Sammisat assigiinngitsut
Sammisat assigiinngitsut qulingiluaasimapput, sammineqartullu assigiinngiiaartut timimik qaratsamillu atuiffiusimallutik. Høvdingeboldimit, biathlonimit minestrygerimut aamma oqaloqatigiinneq aqqutigalugu legomik sananeq.
Nuannisarneq
Ullormi timersorneq GUX-Sisimiut aaqqissuussimavaa, timrsortoqarporlu nal. qulingiluaniit marlunut. Atuaqatigiiaat pointinnannerpaasut unammilluarnissaq anguniarlugu suaartarnermik unammisoqareersoq pingasut qeqqanut ajugaasutut nalunaarutigineqarput.
Unammilluarnissaq anguniarlugu suaartarnermik unammisoqarmat ajugaasut tassaapput sanasunngorniat, 2.C nr. to-nngorput 3.A-lu nr. tre-nngorlutik.
ullormi timersornermut ataqatigiissaarisut ilaat Anne Houmøller ullup qanoq ingerlasimaneranik oqaluttuarpoq:
- Ulloq nuannersigaluttuinnarsimavoq aamma atuartut ullup ingerlanerani nuannaarnerujartuinnarsimapput. Sammisat naammassineranni nuannaarnerpaallutik.
2.X ajugaapput
Ilinniarnertuunngorniartut 2.X pointinnannerpaapput ajugaallutillu. Sanasunngorniat nr. to-nngorput, 2.B nr. tre-nngortut.