Skip to main content

Assit: Nordatlantiskip juullimut niuffatsitsinera nuannarineqartoq

Ileqqoq malillugu Odensemi Nordatlantisk Hus juullimut niuffatsitsisoqarpoq.

Novembarimi sapaatip-akunnerata naanera kingulleq tamatigut ussernartorpassualinnik nerriveqartarpoq. Ukioq manna 33-t quleriinni pingasuusuni agguataarneqarput.

Atlantisk Hus ukioq manna ukiut qulinngortorsiorlugit nalliuttorsiorpoq. Aatsaalli qulingiluassaanik juullimut niuffatsitsipput. Covid 19 missingersuinermi akornusersuisuuvoq.

Atlantisk Hus juullimut niuffatsitsinerat pisarnertut nuannarineqarluarpoq. Atlantisk Husimukartut arfininngormat 1500-pput. Sapaatiummat ikinnerulaarlutik.

Saqqummersitsisut assigiinngitsut eqqumiitsulianik assassukkanik, sanalukkanik assassukkanillu tuniniaapput.

Juullimut tunissutissanik nassaarnissamut taamaammat periarfissaqarluarpoq. Aamma angalaarujoortoqarsinnaavoq akunnerpassuillu atorlugit sulianik saqqummersitanik nutaaliorsinnaalluarneq kusagerujoorneqarluni.

Marriat, amminik sanaat, nuersakkat sorpassuillu

Nerrivinni assigiinngitsuni soqarnersoq killeqanngingajappoq. Suut tamaasa tuniniarneqarneri pissusissamisoorpoq.

Sermitsiaq.AG saqqummersitsisut ilaannik nuannersumik oqaloqateqarpoq. Soorlu:

Johanne Edvardtsen nuersaasartoq nissiaasartorlu. Pingaartumik natsat tassillu assammik arsartartut klubbiannik allalersukkat nuannarineqarluarput. Elisabeth Christiansen, Koldingimi Designskolenimi ilinniagaqartoq, marriortarpoq ilaatigullu oqaluttuatoqqanit oqaluttuanillu isumassarsisarluni. Jette Nordendal assigiinngitsorpassuarnik juullerpaluttuutilik. Gretar Oddur Gudmundsson amminik atoqqitanik sanaalik

Assersuutigalugu ammimit sofatoqqamit pooqattaliaasinnaapput, tassuunakkullu nutaanngorlutik.

Qulingiluassaanik juullimut niuffatsitsinerummat, ukiut ingerlanerini ileqqorpassuarnik pilersitsisoqartarpoq. Nissimaaq puussianik mamartukujunnik immikkanik meeqqanut agguaasoq, erinarsoqatigiit Umiaq arfininngornermi ualikkut scenemiittut. Nissimaap agguaassinerani Odense Tamburkorps nipilersorlutik ingiallortaapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER