Skip to main content

Assit: Assammik arsarluni pissartanngorniunneq aallartippoq

Ullormi unammiffiusumi siullermi unamminerit pingasut ingerlanneqarput

Assammik arsarluni pissartanngorniunneq Nuummi Inussivimmi ingerlanneqarpoq, ullormi siullermi unammiffiusumi pingasoriarluni unammisoqarpoq.

Unamminermi siullermi angutini Nuummit NÛK aamma Aasiannit Norsaq HC unammipput, tassani Nuummiut 27-22-mik ajugaallutik. Aasiannit Mads Jakobsen unamminermi isertitsinerpaavoq, unamminermi arfineq marloraarami.

NÛK-p aamma Norsaq HC-ip unamminerannit assi. Unamminermi aappaluttunik kiatillit NÛK 27-22-mik ajugaapput
Leiff Josefsen

Nagdlunguaq aamma Maniitsumit Aqigssiaq arnani unammersuaarnermi unammeqqaartuupput. Tassani Iluliarmiut 38-17-mik ajugaapput, Gerdaaraq Ingemann Geisler qulingiluariarluni isertitsinermi kingorna unamminermi isertitsinersaalluni.

Ullormi unammiffiusumi siullermi unamminermi kingullermi angutini ukiut qulingiluat kingulliit pissartaasut, GSS, unammipput, tassani Iluliarmiunut Nagdlunguamut unammillutik. GSS unamminermi 30-20-mik ajugaavoq, Lars Ole Lyberth, GSS, unamminermi isertitaqarnersaalluni.

Marlunngornermi unamminerit:

Arnat:

Kl. 15.30: GSS - Aqigssiaq
Kl. 18.30: K-33 - NÛK

Angutit:

Kl. 17.00: GSS - Norsaq HC
Kl. 20.00: Nagdlunguak' - NÛK
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER