Assit: Akitsuusiisoqarnissaanut akerliussutsimik takutitsinerujussuaq
Akerliussutsimik takutitsinermi inuppassuit peqataapput. Illoqarfinni allani aamma assingusumik akerliussutsimik takutitsisoqarpoq
Akerliussutsimik takutitsinermi, nalunaaqutaq 16.30-imit aallartinneqartumit, Nuummi innuttaasut 2.000-it missaanniittut peqataapput.
Amisut eqqaannit akerliussutsimik takutitsineq aallartinneqarpoq. 'Naammaleqaaq' politikerinut akerliussutsimik takutitsinermi oqariartuutaavoq.
Atuaruk: Akitsuutit kamaatigineqartut: Naammaleqaaq
- Akitsuutit pillugit kisimi akerliussutsimik takutitsinngilagut. Ullormit ullormut aalajangiisarnerit qatsullugit akerliussutsimik takutitsivugut, aaqqissuisunit ilaatigut oqaatigineqarpoq.
Akerliussutsimik takutitsisut nipitorujussuupput, politikerinut: 'Naammaleqaaq' uteqattaarlugu nilliaatigalugu.
Narsami Sisimiunilu assingusumik akerliussutsimik takutitsisoqarportaaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...