Skip to main content

Assit: Aasianni atuartut iPadinik tunniussiffigineqartut

Kommune Qeqertalimmi atuartut siulliit iPadinik tunineqarput. Suliniummut 'Kivitsisa'-mut atatillugu, Aasianni Gammeqarfimmi atuartut iPaditaartinneqarput.

Aasianni Gammeqarfimmi 7. klassimi atuartut ataasinngornermi immikkut ittumik misigisaqarput, tassami Kommune Qeqertalimmi iPadinik siulliullutik misiliinissaminnut toqqarneqarsimapput. Kommuni tusagassiuutinut nalunaarummi taama ilisimatitsivoq.

Suliniummut ’Kivitsisa’-mut atatillugu atuartut iPadinik tunineqarput, taakku atuartitsinermi atorneqartassapput. Suliniummi nunatsinni kommunit tallimaasut tamarmik peqataapput.

Kalaallit Nunaanni Meeqqat atuarfiata kivinneqarnera

- Ataatsimoornikkut Meeqqat Atuarfiata kivinneqarnissaa siunertaralugu suliniutaavoq. Suliniut Atuartitaanermi aqutsisoqarfik kiisalu Ilinniaatsinut institutti peqatigalugit piareersarneqarlunilu ilusilersorneqarpoq, Kommune Qeqertalik ilisimatitsivoq.

Inerisaaneq assigiinngitsunik sukkassuseqarlunilu atuuttuulersitsiffiunissaa pilersaarusiorneqarsimavoq. Tassani kommunit tamarmik inuttatigut sulisutigut atuartutigullu minnerunngitsumillu attaveqaatitigut assigiinngitsunik killiffeqarnerat aallaaviulluni sukkassuseqassaaq.

- Atuartut ilikkarniarnermut atatillugu nipit, assit, filmit aalasut allatat kiisalu Internetsikkut aasat atorlugit katiterisinnaanermut ingerlaannarlu katersorsimasanik ilikkarsimasanik avitseqateqarsinnaanerat periarfissaqarlualissaaq. Kiisalu nunarsuup sinneranut attaveqariaatsinut periarfissamut annertuumut attaveqarsinnaalissallutik, Kommune Qeqertalik allappoq.

Atuartitsinermi isumassarsiorfissaq

Taamaalisoqarnerani ilinniartitsisut aamma allatut eqqarsarlutik atuartitsisinnaanertik alloriarfigissavaat. Kiisalu misilitsinnernut tunngassuteqartut teknikki atorlugu pilertortumik periarfissaalissalluni.

Ukioq manna aallarnerfigalungu aappaagu ilanngullugu Kommune Qeqertalimmi atuartut pilersaarusiukkamik naafferartumik iPadinik tuniorarneqassapput.

Ipaditaarnerup aningaasalersorneqarnera kommunit tamarmiullutik  150 millionit koruunit akilerpaat. Aningaasaateqarfiit 50 millionit koruuninik tapiissuteqartut tassapput: Villum Fonden, Hempel Fonden, Mærsk aamma OAK Foundation.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER