Assit: 9. klassimi atuartut Londonimi teknologimik sammisaqartitsisoqarnerani peqataasut

BETT-teknologikonferencemi Nordic Craft-eqarnerani Nuuk International Friskolemi 9. klassimi atuartut Londonimut angalanissamut toqqarneqarput, januaarip 17-anit sapaatip akunnera ataaseq angalallutik.

Atuaqatigiiullutik novembarip 29-aniilli app-imik suliaqarlutik aallartipput, aallarnissagartik Londonimi saqqummiullugu.

Tassani peqataasut, Emilie Sørensen aamma Ellen Jeppesen Sermitsiaq.AG-mit apersorneqarput.

- App-imut prototypiliorneq nuanneqaaq. Avatangiisinut ajoqusiinnginnissaq anguniagaavoq, tassa nerisassanik eqqaavallaartarneq pinngitsoortinniarlugu una app-i sanaajuvoq, Ellen Jeppesen oqaluttuarpoq.

Atuartut marluk suliarisimasartik uani pisumi Londonimi saqqummiussipput.

- Tamatta scenemiippugut, taava una suliarput sunaanersoq nassuiaapparput. Saqqummiussilernerput pissanganaqqaarpoq, kisianni aamma taamatut saqqummiineq pissarsinaqaaq, Emilie Sørensen oqarpoq.

Saqqummiussereeramik una suliartik pillugu aamma apersorneqarput.

- Angalanitsinni pissarsiaqaqaagut, nunanit allanit peqataasut saqqummiussaat aamma soqutiginarput. Saqqummiussilinnginermi sungiusarneq, tassa una qanoq ilisaritinneqassanersoq, qanoq saqqummiussissanersugut sungiusarlugit aamma pissarsinaqaaq, Emilie Sørensen oqarpoq.

- Siunissami aallarnisaasartunngorusuppisi?

- Taamatut suliaqarnissaq soqutigiuaannarpara, eqqarsaatit nutaat tunngavigalugit pilersitsisinnaaneq soqutigaara, Ellen Jeppesen akivoq.

- Aap, soqutiginarsinnaavoq, taamaattoq uanga illuliortaatsit titartarneqartarneri soqutigineruakka, Emilie Sørensen oqarpoq.

Spillerluni unammisitsinermi ajugaasoq

Atuaqataaq, Lars Frederiksen, spillimik unammisitsisoqarnerani peqataanissamut periarfissanikkami peqataavoq.

- 'Rocket League'-mi unammisitsisoqarnerani peqataavunga. Taanna Fifa-tupajaaq ittuuvoq, kisianni biilinik inuttaqaannarluni. Tassani peqataasut akornanni arfineq-marlunni ajugaavunga, finaalimi 7-3-mik ajugaallunga, oqarpoq.

Ajugaanini pissutigalugu computerinnappoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...