Skip to main content

Assit videolu takukkit: - Danskit oqaasii nuannarineri kiffaanngissuseraara

Nina Kreutzmann Jørgensen siullermeerluni atuakkiaminik Københavnimi saqqummersitsinermini nuannarineqarluarpoq

Ilisimaneqarluartoq Nina Kreutzmann Jørgensen, taalliani Maalia - Kalaallit Nunaanni arnaq pinnernerpaaq - appisimaaramiuk nuannerineqarlualaavippoq.

Erinarsortartorli sunigusimanngisaminik suliaqaqqammerpoq. Taannami siullermeerluni atuakkiaminik saqqummersitsivoq, atuakkianilu atsersimallugu "Hun står i nordenvind". (Avannersumut Sassarpoq red.)

Video: Nina erinarsuummik nuannersumik atugaqartoq tusarnaaruk

- Atuffassinera soorlu taamaattussaannartut ittoq. Pissanganngilangaluunniit, atuakkiortunngorlaaq oqarpoq.

Soqutigineqarluarpoq

Pisiniarfissuarmi Bellacenterimi Københavnimiittumiippugut. Atuagaarniartoqarneranut atatillugu inersuit pingasut pisiniarfeeqqanik pisiniarferujussuarnillu aaqqissuunneqarsimapput. Tassungalu atatillugu aaqqissuussat atuffassinerillu ingerlanneqarlutik. Atuffassinerillu ilaanni Nina Kreutzmann Jørgensen atuakkiaminit atuaavoq erinarsorluni akunniliisarluni. Atuakkianilu oqaluttuaaqqanik erinarsuutinillu imaqartoq oqaluttuaralugu.

Atuaruk: Nina cd-mik qallunaatuumik saqqummersitsissaaq

Atuakkiarineqartorlu oqaluttuaaqqanik erinarsuutinillu imaqartoq soqutigineqarluarmat issiaviit tamangajammik inoqarput.

- Tusarnaariartut amerlaneri takullugit nuanneqaaq, atuakkiorfimmi Milik Publishingimit piginnittoq Lene Therkildsen oqarpoq.

Siullerpaamik danskisut

Nina Kreutzmann Jørgensenip erinarsorneq sungiusimalluaraluarlugu maanna saqqummersitsinera allaanerussuteqarpoq. Siullermeerlunimi danskisut erinarsorami.

- Danskisut taalliorninnit suna tamarmi aallartippoq, oqaluttarfimmit nassuiaavoq.

- Tamannalu kiffaanngissuseqalersitsivoq tassami danskit oqaasiinik asannissinnaaninnut akuersititsimmat.

Aliasuuteqalaarpoq

Naliginnaasumik kalaallisut erinarsortaraluarluni sooq danskisut erinarsornerluni appisimaareerami nassuiarpaa.

- Kalaaliusugut danskisut oqaluttut tamatta kalaallisut oqalulluarsinnaannginnerput aliasuutigigipput isumaqarpunga.

- Taamaasillutalu nalunngilluagarput nuannaarutiginissaa puiortarlutigu, tassa danskit oqaasii, Nina Kreutzmann Jørgensen naalagaaffeqatigiinnerup hjemmestyrillu qitornaatut imminut taasoq oqarpoq.

Taalliat oqaluttuaaranngortut

Danskisut talliaq siulleq qulinik kinguneqarpoq. Tamarmillu arnamut tunngassuteqarlutik. Islandimiunik savalimmiormiunillu taalliortunik naapitsereernermi kinguneranik Atlantikoq qulaallugu ammarpoq. Arnallu marluusut, islandimeersoq savalimmiuneersoq Danmarkimeersoq, sisamallu Kalaallit Nunaanneersut suleqatigilersimallugit.

Suleqatigilikkami oqaluttuarinissat taalliani piareereernerisa kinguneranik isumassarsiaraa.

- Taalliorninni takorluuisimavunga oqaluttualianik. Taakkulu oqaluttuat tajorluukkakka allassimavakka.

Taamaasilluni oqaluttuaaqqat quliusut pinngorput. Nina Kreutmannip oqarneratut silarsuarmit ajornakusoortumeersut.

- Nuannersortai eqqumaffigalugit

Nina Kreutzmann Jørgensenip atlantikoq qulaallugu oqaluttualiornissani siunertarisimavaa.

- Namminersulivinnisarput sooruna angusussaavarput. Naalagaaffeqatigiinnerulli nuannersortai ajunngitsortaalu eqqumaffigilaariartigit.

- Asanninnermik siammartererusuppunga. Taamaaliornermi pikkoriffigaara, qungujuutigaluni oqarpoq.
Nuuteeqqap tullia kalaallisut - imaluunniit...

Suliani qaangiuppat kalaallit oqaasiinik taalliorneq sungiusimasani uterfigeqqinniarpai.

- Appisimaarama malugaara kalaallisut erinarsorneq maqaasillugu. 

- Kalaallisummi erinarsoraangama ersiutit assigiinngitsut atortarneri nuannareqaakka.

- Danskisut oqaluttuassalluni ajunnginneruvoq, oqaluttuarnerlumi nuannareqaara, oqarpoq nuuteeqqallu saqqummersitassani tulliuttoq kalaallisuujussasoq qularnaarlugu. Kalallisut danskisulluunianngikkuni.

Video assillu allaaserisap ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER