KL

DK

urandebat

Assit: Uranimut akerliussutsimik takutitsineq allannguinngilaq

Naalakkersuisut isumartik allanngortinngilaat. Uranimut naaggaarluinnarneq atorunnaartussanngorpoq naak marlunngormi akerliussutsimik takutitsisoqaraluartoq

Allagartat sungaartut atorlugit akerliunermi oqaatsit allattorneqarsimapput
Akerliussutsimik takutitsisut Inatsisartut ataatsimiittarfiata silataanut ingerlaarput
Akerliussutsimik takutitsisut Aqqusinersuakkut ingerlaarput
'Imeq minguitsoq' allagartat ilaanni allanneqarsimavoq
Naalakkersuisut siulittaasuat Aleqa Hammond Siumeersoq akerliussutsimik takutitsisunut oqaluppoq
IAmeersup Aqqaluaq B. Egedep innuttaasut peqataatinneqarnerunissaat ujartorpaa
'Imeq minguitsoq' allagartat ilaanni allanneqarsimavoq Leiff JosefsenNaalakkersuisut siulittaasuat Aleqa Hammond Siumeersoq akerliussutsimik takutitsisunut oqaluppoq Leiff JosefsenIAmeersup Aqqaluaq B. Egedep innuttaasut peqataatinneqarnerunissaat ujartorpaa Leiff JosefsenAllagartat sungaartut atorlugit akerliunermi oqaatsit allattorneqarsimapput Leiff JosefsenAkerliussutsimik takutitsisut Inatsisartut ataatsimiittarfiata silataanut ingerlaarput Leiff JosefsenAkerliussutsimik takutitsisut Aqqusinersuakkut ingerlaarput Leiff Josefsen'Imeq minguitsoq' allagartat ilaanni allanneqarsimavoq Leiff JosefsenNaalakkersuisut siulittaasuat Aleqa Hammond Siumeersoq akerliussutsimik takutitsisunut oqaluppoq Leiff JosefsenIAmeersup Aqqaluaq B. Egedep innuttaasut peqataatinneqarnerunissaat ujartorpaa Leiff JosefsenAllagartat sungaartut atorlugit akerliunermi oqaatsit allattorneqarsimapput Leiff JosefsenAkerliussutsimik takutitsisut Inatsisartut ataatsimiittarfiata silataanut ingerlaarput Leiff JosefsenAkerliussutsimik takutitsisut Aqqusinersuakkut ingerlaarput Leiff Josefsen
Noah Mølgaard

Akerliussutsiminnik takutitsissut 100-it sinneqalaartut Nuup pueqqornera aporfiginagu marlunngornermi uranimut naaggaarluinnarnerup atorunnaarsinnissaanut akerliullutik ingerlaaqatigiipput. Taamaattoq Naalakkersuisut isumaat allanngunngilaq.

Akerliussutsimik takutitsisut eqqaassutissanit Amisunit aallartillutik Brugsen silaqqussinnarlugu Aqqusinersuakkoorlutik Inatsisartut ataatsimiittarfiata silataanut ingerlaaqatigiipput.

- Nassuiaasoqarnissaa pisariaqartipparput. Nunatsinni Danmarkimilu avissaartuunneqarpoq pissutaasorlu tassaavoq uran, akerliussutsimik takutitsisut suaartarput Inatsisartut ataatsimiittarfiata silataani Naalakkersuisuni ilaasortat tusarnaartut.

Allagartat sungaartut soorlu ’No more Fukushima’ allallu akerliulluni allagartaliaasut Naalakkersuisut isumaannik allanngortitsinngillat. Tassa uranimut naaggaarluinnarsimaneq Inatsisartuni amerlanerussuteqartut atorunnaarsikkaluttuarpaat.

- Kikkut tamarmik iluarisaanneq aalajangerneq ajornakusoorpoq. Kisianni tassa amerlanerussuteqartut tunuliaqutaralugit aalajangertoqartarpoq. Inuiaqatigiinni inissisimaffipput akuersaarneqarsinnaanngilaq. Suliffissaaleqineq annertusiartorpoq pilersugassagullu ullut tamaasa amerliartorput. Taamaammat alloriarnaversaarluni inuiaqatigiit ingerlanneqarsinnaanngillat. Kingulissagut eqqarsaatigalugit alloriartariaqarpugut, Naalakkersuisut siulittaasuat Aleqa Hammond Siumumeersoq akerliussutsimik takutitsisunut oqarpoq.

Akerliussutsimik takutitsisut Inatsisartunilu illuatungiliuttut inuttaasut peqaatinneqarnissaannik ujartuipput.

- Innuttaasut peqataatillugit suliniarluni qineqqusaarsimagaanni tamanna malinneqartariaqarpoq. Kisianni ajoraluartumik oqartariaqarpugut tamanna malillugu sulisoqanngimmat, Inuit Ataqatigiit sinnerlugit Inatsisartuni ilaasortaq Aqqaluaq B. Egede oqarpoq.

Akerliussutsimik takutitsineq naavoq Naalakkersuisuni Inatsisartunilu ilaasortat ataatsimiittarfimmut isaammat ukiaanerani katersorneq nangeqqillugu. Uranimut naaggaarluinnarsimanerup atorunnaarnissaa sisamanngornermi Inatsisartuni oqaluuserineqassaaq.

politikki assit inuiagatigiit
Powered by Labrador CMS